Masallıda boks üzrə rayon birinciliyi keçirilib
5-11-2021, 16:15. Разместил: yeni321
Masallıda boks üzrə rayon birinciliyi keçirilibMasallı rayon Gənclər və İdman İdarəsinin təşkilatçılığı ilə Regional Boks Mərkəzində Zəfər Gününə həsr olunmuş yeniyetmə və gənclər arasında boks idman növü üzrə rayon birinciliyi keçirilib.
Tədbirdə torpaqlarımızın bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib.
Yeniheyet.az xəbər verir ki, iki gün (4-5 noyabr) davam edən yarışların mükafatlandırma mərasimində Masallı rayon Gənclər və İdman idarəsinin rəisi Sabiq Cahangirov, Boks Mərkəzinin direktoru Elnur Hacıyev, Əməkdar məşqçi Həbib Mehtiyev və Vətən müharibəsi iştrakçısı Simran Nurullayev çıxış edərək idmançıları Zəfər Günü münasibətilə təbrik edib, onlara növbəti yarışlarda uğurlar arzulayıblar.
19 çəki dərəcəsində 70-ə yaxın idmançının iştrakı ilə keçirilən birincilik gərgin və maraqlı mübarizə şəraitində keçirilib.
Yarışların yekun nəticəsinə əsasən qalib gəlmiş idmançılar rayon gənclər və idman idarəsi tərəfindən diplom və medallarla təltif olunub.
www.yeniheyet.az
Вернуться назад