Masallıda Dünya Azərbaycanlılarının Həmrəyliyi Gününə həsr olunmuş idman yarışları başa çatıb
29-12-2021, 15:51. Разместил: yeni321
Masallıda Dünya Azərbaycanlılarının Həmrəyliyi Gününə həsr olunmuş idman yarışları başa çatıb Masallı Rayon Gənclər və İdman İdarəsinin və Uşaq-Gənclər İdman-Şahmat Məktəbinin birgə təşkilatçılığı ilə məktəblilər arasında 31 dekabr - Dünya Azərbaycanlılarının Həmrəyliyi Gününə həsr olunmuş idman yarışlarına yekun vurulub.
Yeniheyet.az-a verilən məlumata əsasən, yarışların keçirilməsində əsas məqsəd məktəblilər arasında sağlam həyat tərzinin formalaşdırılması, onlar arasında dostluq əlaqələrinin möhkəmləndirilməsi, həmçinin idmanın kütləviliyinin təmin olunmasıdır.
Qeyd edək ki, yeddi gün (23-29 dekabr) davam edən yarışlarda məktəblilər beş idman növü - şahmat, mini-futbol, voleybol, yunan-Roma güləşi və stolüstü tennis üzrə qüvvə və bacarıqlarını sınayıblar.
Qaliblərə təşkilat komitəsinin diplomları təqdim olunub.
www.yeniheyet.az
Вернуться назад