Masallıda Cüdo idman növü üzrə rayon birinciliyi
22-04-2022, 18:48. Разместил: admin44
Masallıda Cüdo idman növü üzrə rayon birinciliyi keçirilib
21-22 aprel 2022-ci il tarixlərdə Masallı rayon Gənclər və İdman İdarəsinin təşkilatçılığı ilə Masallı şəhər N.Nərimanov adına 2 saylı tam orta məktəbin idman zalında ümummilli lider Heydər Əliyevin 99-cu ildönümünə həsr olunmuş uşaqlar, azyaşlı yeniyetmələr və yeniyetmələr arsaında cüdo idman növü üzrə Masallı rayon birinciliyi keçirilmişdir.
İki gün davam edən birincilikdə 60 nəfər yaxın idmançının iştrakı ilə təşkil edilən yarışın əsas məqsədi ulu öndər Heydər Əliyevin xatirəsini əziz tutmaq, idmançılar arasında dostluq əlaqələrinin möhkəmləndirilməsi, həmçinin uşaqlar və yeniyetmələr arasında sağlam həyat tərzinin formalaşdırmaq və cüdo idman növünə olan marağın artırılmasından ibarət olmuşdur.
Yarışda qalib gələn idmançılar Masallı rayon Gənclər və İdman İdarəsi tərəfindən diplomlarla mükafatlandırılmışlar.
"Yeni həyat" qəzeti,
www.yeniheyet.az
Вернуться назад