Masallı pəhləvanları beynəlxalq turnirin mükafatçılarıdır

 

Türkiyənin Antalya şəhərində gənclər (U-20) arasında "Çempionlar" beynəlxalq turnirinə start verilib.

Yarışın ilk günündə Azərbaycan milli yığmasının üzvləri uğurlu nəticələr göstəriblər. Gənc güləşçilərimizdən dördü fəxriyə kürsüyə qalxıb. Belə ki, mötəbər turnirdə respublikamızı təmsil edən iki Masallı pəhləvanı - qadın güləşində Ruzanna Məmmədova (55 kq) gümüş, sərbəst güləşdə isə Zəfər Əliyev (97 kq) bürünc medal əldə ediblər.

Qeyd edək ki, ənənəvi turnir mayın 2-dək davam edəcək.