MASALLI - Şərəfə kəndində fermer təsərrüfatı
5-09-2020, 12:34. Разместил: yeni321
“Tərəqqi” medallı fermer təsərrüfatını genişləndirir Masallı rayonunun Şərəfə kəndində fermer fəaliyyəti ilə məşğul olan “Tərəqqi” medallı Rafət Abasov bolluq uğrunda mübarizəsini tək çiyələk yetişdirməklə bitirmir. O, icarəyə götürdüyü 23 hektar torpağın 12 hektarında buğda, 3 hektarında arpa, 4 hektarında kartof və 1 hektarında soğan yetişdirib. Kartofun hər hektarından 25 ton məhsul götürüb. Faraş məhsulu Rusiyaya göndərməyə nail olduğundan gəliri xeyli artırıb.
Çiyələkçiliyi inkişaf etdirmək üçün daha 3 hektar sahədə əkinə hazırlıq işləri gedir. Qabaqcıl fermerin yaratdığı kollektivdə 10-15 nəfər çalışır. Onların 6-sı ərazinin özündən, qalanı ətraf kəndlərdən gəlir. Fermer R. Abasov deyir ki, hər birinin zəhməti düzgün dəyərini tapır – 300-350 manat arası məbləğində əmək haqqı alırlar.
“Yeni həyat”,
www.yeniheyet.az
Вернуться назад