Masallıda yaşıllıqlara qulluq göstərilir

Şəhərimizdə prospektlər, küçələr, yol kənarlarında, park və istirahət mərkəzlərində və digər yerlərdə əkilmiş ağaclara, salınan yaşıllıqlara lazımi qulluq göstərilməsi üçün Masallı Yaşıllaşdırma Müəssisəsi tərəfindən müvafiq tədbirlər həyata keçirilir.

Yayın isti günlərinndə qulluğun effektivliyini yüksəltmək üçün ağacların və digər yaşılllıqların, yol kənarları və parklardakı qazon örtüyünün səhər və axşam saatlarında suvarılması aparılır.
İşlər çərçivəsində yol və küçələrin kənarlarında yaradılmış yaşıllıq guşələrinə də gündəlik qulluq göstərilir, güllər və gül kolları mütəmadi olaraq sulanır.