Masallıda “Qaçaq Mozu” kitabının təqdimatı
20-10-2022, 19:19. Разместил: admin44
Masallı rayon Mərkəzi Kitabxanasında yazıçı-publisist Nurəddin Ədiloğlunun “Qaçaq Mozu” romanının təqdimat və imza günü keçirilib.
Əvvəlcə ümummilli lider Heydər Əliyevin və şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan “Masallı ziyalıları” İctimai Birliyinin sədri Qardaş Fətullayev müəllifin yaradıcılığı və yeni romanı barədə məlumat verib.
Sonra Millət vəkili Məşhur Məmmədovun köməkçisi Əli Nağıyev, jurnalistlər Akif Ağayev, Cəfər Cəfərov, Sığıncaq kənd məktəbinin direktoru Əhliman Əliyev, oxucular Nizam Məmmədov, Ziyafət Məmmədov, Kamal Qasımov və başqaları çıxış edərək Nurəddin Ədiloğlu yaradıcılığının məziyyətləri, özünəməxsus üslub xüsusiyyələri, eləcə də müəllifin 31-ci kitabı haqqında fikirlərini bölüşüblər.
Yekunda görüş iştirakçılarına minnətdarlıq bildirən yazıçı onlara imzalanmış kitablarını hədiyyə edib.
“Yeni həyat” qəzeti,
www.yeniheyet.az
Вернуться назад