Böyük Qayıdışa dair 1- ci Dövlət Proqramı
21-12-2022, 14:40. Разместил: admin44
30 ilə yaxın müddət ərzində işğal altında qalaraq milli sərvətlərimiz talanmışdır.Bu vandalizmə 44 günlük müharibədə son qoyulmuşdur. Azərbaycan bu qələbə ilə həm ərazi bütövlüyünü,həm də Qafqazda öz sözünü demiş bir ölkəyə çevrilmişdi.Bu qələbə nəinki Azərbaycanın , bütün Cənubi Qafqazın tarixində yeni bir başlanğıc idi. Bu qələbə regionun yenidən çiçəklənməsinə stimul vermişdir.Bu qələbədən sonra qarşıda duran vəzifələrdən biri də azad edilən torpaqlarda bərpa- quruculuq işləri olmuşdur. `Vətən müharibəsindən sonra işğaldan azad edilmiş ərazilərdə istehsal,xidmət infrastrukturunun qurulması ,iqtisadi fəaliyyət,nəqliyyat- kommunikasiya xətlərinin bərpası işində mühüm addımlar atılmışdı.
İşğaldan azad edilmiş ərazilərə böyük qayıdış Azərbaycanın 2030- cu ilədək beş Milli Prioritetindən biri kimi müəyyən olunmuşdur. Bu Milli Prioritetlərə əsaslanan “Azərbaycan Respublikasının 2022- 2026- cı illərdə sosial- iqtisadi inkişaf strategiyası" yeni inkişaf mərhələsindəki hədəflərə çatmağa xidmət edən mühüm sənəddir.
İşğal müddətində ermənilər Dağlıq Qarabağ bölgəsinə vəhşiliklə yanaşaraq milli mənəvi sərvətlərimizə,abidələrimizə böyük ziyan vermişdirlər.Onların vurduğu ziyanlar, vurduğu psixoloji zərər,xalqımıza verdiyi işgəncələr heç zaman və heç bir tədbirlə unudulmaz.Görülən tədbirlər erməni vəhşiliklərindən çökmüş vəziyyətdə olan torpaqlarımızın inkişafına,dirçəlməsinə , günü - gündən irəliləməsinə şərait yaradır. Bu tədbirlərin icrasının monitorinqi,qitmətləndirilib dəyərləndirilməsi Azərbaycan Nazirlər Kabinetinin sifarişi əsasında həyata keçirilməlidir.
Azad olunmuş ərazilərdə minalardan təmizlənmə ilə yanaşı ,Azərbaycan həmin ərazilərdə genişmiqyaslı quruculuq işləri aparır." Ağıllı kənd" ," Ağıllı şəhər" layihələrinin həyata keçirilməsi regional inkişafın yeni nümunəsidir.Sakinlərin,vətəndaşların məmnunluğunun artırılması üçün də önəmli faktdır.Bütün yenilikləri edən dövlətimizin bölgənin gələcəyi ilə əlaqədar hədəfləri,planları böyükdür.Məcburi köçkünlərin öz doğma yurdlarına qayıdışı da çox əhəmiyyətlidir.Yol infrastrukturunun yaradılması,avtomobil və dəmir yollarının çəkilməsi,yeni hava limanlarının tikilməsi görülən işlərin əhəmiyyətinin müəyyən bir hissəsidir.
Müharibədən üzüağ çıxmaqla yanaşı,müharibədən sonra da Azərbaycana yaraşan bir tərzdə işğaldan azad olunmuş ərazilərdə bərpa işləri görərək dirçəlməliyik,buna çalışırıq və inanıram ki,bunun da öhdəsindən layiqincə gələcəyik.Dövlət başçımız cənab Ali Baş Komandanımız bunun üçün əvəzsiz addımlar atır və biz dirçələn Qarabağ,dirçələn bir Azərbaycan görəcəyik.
Cəfərova Aytən Balağa qızı,
Masallı rayon Ərkivan qəsəbə 1 saylı tam orta məktəbin Azərbaycan dili və ədəbiyyatı müəllimi
“Yeni həyat” qəzeti,
www.yeniheyet.az
Вернуться назад