İşıqlandırma sistemi qurulmuş, ağac əkilmişdir

Ötən iki il ərzində Masallı ərazisində küçə və yollarda işıqlandırma sistemlərinin qurulması işi sevindirici olmuşdur. Belə ki, yollarda 4572 ədəd elektrik dirəyi basdırılmış, 190 min metrdən çox elektrik xətti çəkilmişdir.

Masallı Rayon İcra Hakimiyyətinin təsisçiliyi ilə nəşr olunan «Yeni həyat» qəzetinin əməkdaşı Həsənağa Əliyev xəbər verir ki, bu müddətdə rayonda yaşıllaşdırma işi ön plana çəkilmiş, ərazilərdə əlamətdar günlərlə bağlı 39.070 ədəd tut, 67.527 ədəd həmişəyaşıl, 6806 ədəd müxtəlif növ, ümumiyyətlə, 113.403 ədəd ağac tingi əkilmişdir.