Главная > Mədəniyyət / Təhsil > Masallının Sərçuvar kəndində yeni uşaq bağçası-körpələr evinin açılışı

Masallının Sərçuvar kəndində yeni uşaq bağçası-körpələr evinin açılışı


9-05-2019, 18:28. Разместил: admin44
 Masallının Sərçuvar kəndində yeni uşaq bağçası-körpələr evinin açılışı 

Mayın 9-da Masallı rayonunun Sərçuvar kəndində yeni uşaq bağçası-körpələr evinin açılış mərasimi oldu.
Son illər respublikamızda, o cümlədən Masallı rayonunda aparılan möhtəşəm quruculuq, abadlıq işləri ümummilli lider Heydər Əliyevin siyasətinin uğurlu davamıdır. İlham Əliyevin balanslı siyasətinin nəticəsidir ki, istər siyasi, istər iqtisadi, istərsə də mədəni-humanitar sahələrdə əldə olunan nəticələr dünya birliyi tərəfindən qəbul edilir, alqışlanır. Ölkəmizdəki əmin-amanlıq, sabitlik, insanların maddi rifahının durmadan artması, respublikanın simasının ağla sığmayan dərəcədə dəyişməsi, yeni binaların, körpülərin, otellərin inşa edilməsi Prezdentimizin gərgin əməyinin, qayğısının nəticəsidir. Neft kapitalından insan kapitalını daha dəyərli sayan Prezidentimiz, onun xanımı YUNESKO-nun xoşməramlı səfiri, Heydər Əliyev Fondunun Prezidenti, Azərbaycanın Birinci vitse-prezidenti Mehriban xanım Əliyevanın təşəbbüsü ilə respublikamızda neçə-neçə yeni məktəblər, bağçalar inşa edildi, köhnələri yenidən quruldu, bərpa olundu. Tikilib istifadəyə verilən Sərçuvar kənd uşaq bağçası-körpələr evi də Heydər Əliyev Fondunun təşəbbüsü ilə ərsəyə gəlmişdir. Yeri gəlmişkən bu işlərə öz əvəzedilməz töhfəsini verən Masallı Rayon İcra Hakimiyyətinin başçısının, onun nəzarətində olan struktur bölmələrin gördüyü işləri də qeyd etmək lazımdır.
İcra hakimiyyətinin daxili imkanları hesabına inşa edilən bağça, mədəniyyət evi, yeni məktəb binası və digər tikintilər bu işlərin parlaq sübutudur. Masallı rayonunun gündən-günə çiçəklənməsi, yeni, Avropa standartlarına uyğun inşa edilən binaların, təmir edilən və tikilən məktəb və bağçaları icra başçısının rayona, onun əhalisinə xüsusi qayğısından xəbər verir. Məhz bu gün də qapılarını balaca, körpə fidanların üzünə açan körpələr evi-uşaq baxğası da dediklərimizə parlaq numunədir.
Bağçanın istifadəyə verilməsi münasibətilə düzənlənən tədbirdə Masallı Rayon İcra Hakimiyyətinin başçısı Rafil Hüseynov çıxış etdi. Natiq çıxışında uşaqların dövlətin hərtərəfli qayğısı ilə əhatə olunduğunu xüsusilə qeyd etdi. Rayon rəhbəri bu sahədə Azərbaycan xalqının ümummilli lideri Heydər Əliyevin, ulu öndərin layiqli davamçısı, Azərbaycan Respublikasının Prezidenti cənab İlham Əliyevin, Heydər Əliyev Fondunun prezidenti, Azərbaycan Respublikasının Birinci vitse-prezidenti Mehriban xanım Əliyevanın dünyada uşaqlara qayğısının və mərhəmətinin ləyaqətlə təmsil edildiyini vurğuladı.
Sərçuvar kənd ərazi nümayəndəsi Ülfət Abdullayev çıxışında regionların sosial-iqtisadi inkişafına uyğun olaraq geniş quruculuq-abadlıq işlərinin aparılmasından, bunun nümunəsi kimi çalışdığı Sərçuvar ərazisini qeyd etdi.
Sərçuvar kəndinin ağsaqqalı Nəsrəddin Nəcəfquliyev, valideyn Şəhla Abdullayeva və Sərçuvar kənd uşaq bağçasının müdiri Gülnar Məmmədova ölkə rəhbəri cənab İlham Əliyevə, Birinci vitse-prezident Mehriban xanım Əliyevaya minnətdarlıq etdilər, onların dünyada uşaqlara qayğısının və mərhəmətinin daha bir nümunəsi olduğunu nəzərə çatdırdılar.
Tədbir körpələrin hazırladığı maraqlı və yaddaqalan konsert proqramı ilə başa çatdı.
 


 

“Yeni həyat”,
www.yeniheyet.azшаблоны для dle 11.2
Вернуться назад