Masallıda pandemiya ilə bağlı görülmüş işlər
10-06-2020, 12:12. Разместил: yeni321
Masallıda pandemiya ilə bağlı görülmüş işlər Respublikada koronavirus (COVİD-19) infeksiyasının geniş yayılmasının qarşısının alınması məqsədi ilə bütün zəruri tədbirlər görülür. Prezident cənab İlham Əliyevin rəhbərliyi ilə bu istiqamətdə atılan addımlar öz töhfəsini verməkdədir.
Masallıda karantin müddətində müvafiq işlər görülür, eləcə də xüsusi karantin rejimi ilə əlaqədar qaydaların tətbiqinə nəzarət gücləndirilir və qabaqlayıcı tədbirlər davam etdirilməkdədir..
9 iyun 2020-ci il tarixdə rayon ərazisində pandemiya dövründə görülmüş işlər barədə məlumatları oxucuların diqqətinə çatdırırıq:
1. 09 iyun 2020-ci il tarixdə GEM və rayon Dezinfeksiya Stansiyasi ilə birlikdə Mərkəzi Rayon Xəstəxanası, rayon Polis şöbəsi, Avtovağzal, Mərkəzi Poçt, rayon Məşğulluq Mərkəzi, Olimpiya İdman Kompleksi, 5 Bankın qarşısı, 9 terminal, 14 bankomat, 9 sərnişindaşıma xidməti göstərən avtonəqliyyat vasitəsi dezinfeksiya olunmuşdur. Hal-hazırda dezinfeksiya işləri davam etdirilir.
2. RİHB-sının təşkilatçılığı ilə, YAP rayon təşkilatının Gənclər Birliyinin könüllüləri və DSMF-nin rayon şöbəsinin əməkdaşları tərəfindən 65 yaşdan yuxarı olan 175 nəfər tənha-kimsəsiz vətəndaşlarla görüşülüb onların sosial-məişət xidmətləri, o cümlədən ev təsərrüfatı ilə bağlı işlərdə, əsas tələbat mallarının, dərman vasitələrinin alınmasında, kommunal ödənişlərin edilməsində və sair işlərdə köməklik göstərirlər. Hal-hazırda işlər davam etdirilir.
3. Masallı rayonu ərazisində 11 434 nəfərə 190 manat vəsait verilmişdir. Habelə 2837 nəfərə 2-ci dəfə 190 manat almaqdan ötrü kart verilmişdir.
4. İşsiz şəxslərin müvəqqəti məşğulluğunun təmin edilməsi məqsədilə (2 ay müddətinə) rayona 474 nəfər üçün ayrılmış iş yerlərinə 345 nəfərlə DOST iş mərkəzi tərəfindən müqavilə bağlanaraq işlə təmin olunmuşlar. 164 nəfər sistem tərəfindən işi və qazancı olmayan kimi təsdiq edilmişdir. Vətəndaşlarla müqavilə bağlanmaqdan ötrü iş davam etdirilir.
5. Karantin dövründə bir sıra məhdudiyyətlərin yumuşaldılmasını nəzərə alaraq vətəndaşların maarifləndirilməsindən ötrü rayon ərazisində “karantin qaydalarının yumşaldılması, karantin qaydalarının aradan qaldırılması deyil” adı altında 114 nəfərdən ibarət 20 mobil qrup (RİH, YAP Masallı rayon təşkilatı, Heydər Əliyev Mərkəzi, rayon Polis şöbəsi, rayon Təhsil şöbəsi, Gənclər və İdman idarəsi, “Gənclər evi” sosial xidmət mərkəzi, Gənclərin İnkişaf və Kariyera Mərkəzi və gənc könüllülərin iştirakı ilə) yaradılmışdır. 08 iyun 2020-ci il tarixdə Masallı şəhər ərazisində Mobil qruplar tərəfindən 1790 nəfərlə maarifləndirici söhbət aparılmışdır (ümumilikdə 76 301). Təbliğat işləri davam etdirilir.
6. 09 iyun 2020-ci il tarixdə koronavirusla bağlı 75 nəfərdən yaxma götürülmüşdür. Ümumilikdə rayon ərazisində 6080 nəfərdən yaxma götürülmüşdür.
7. Rayon Polis şöbəsinin əməkdaşları tərəfindən 09 iyun 2020-ci il tarixdə rayon ərazisində karantin qaydalarını pozduğuna görə 3 nəfər vətəndaş haqqında inzibati protokol tərtib edilərək cərimə olunmuşdur. Ümumilikdə rayon ərazisində karantin qaydalarını pozduğuna görə 42 nəfər vətəndaş haqqında inzibati protokol tərtib edilərək cərimələnmişdir.
“Yeni həyat”,
www.yeniheyet.az
Вернуться назад