Главная > Siyasət > Masallı RİH başçısının Tüklə inzibati ərazi dairəsi üzrə nümayəndəliyində səyyar-görüş qəbulu

Masallı RİH başçısının Tüklə inzibati ərazi dairəsi üzrə nümayəndəliyində səyyar-görüş qəbulu


29-05-2019, 14:54. Разместил: admin44
Masallı RİH başçısının Tüklə inzibati ərazi dairəsi üzrə nümayəndəliyində səyyar-görüş qəbulu

Mayın 29-da Masallı Rayon İcra Hakimiyyəti başçısının qrafikə uyğun olaraq növbəti səyyar görüş - qəbulu Tüklə kəndində keçirilmişdir. Səyyar görüş- qəbulda 100-ə yaxın kənd sakini iştirak etmişdir.
Rayon icra hakimiyyətinin başçısı Rafil Hüseynov ölkəmizin sosial-iqtisadi inkişafı naminə dövlət səviyyəsində həyata keçirilən tədbirlərin, eləcə də son vaxtlar əhalinin rifah halının yaxşılaşdırılması, sosial problemlərin həlli istiqamətində ölkə rəhbərinin imzaladığı fərman və sərəncamların geniş icmalını verib, regionlara göstərilən diqqəti nəzərə çatdırıb, Masallıda görülən abadlıq-quruculuq işlərindən bəhs edib. O, cümlədən cənab Prezidentin tapşırığına əsasən Masallı rayonunda görülən işlər barədə ətraflı məlumat vermişdir.
Sonra rayon İcra hakimiyyətinin başçısı Rafil Hüseynov sakinlərdən onları narahat edən məsələlər barədə məlumat və təklif vermələrini istəmişdir.
Ərazi sakinlərindən Rəva Məmmədov, Mirnağı Mənsimov, Əbülfət Şamıyev, Bakir Dadaşov, Ramazan Hüseynov, Şəkərəli Qubadov, İntiqam Hüseynov, Nadir Mehdiyev və başqaları çıxış edərək şəhid Ə.İbadov adına məktəbin təmiri, çayçılığın inkişafına kömək edilməsi, torpaqla, elektrik dirəklərinin dəyişdirilməsi, kənddə ekoturizmin inkişafına dəstək verilməsi, ərazidə aptekin yaradılması, xəstə övladına kömək göstərilməsi və s. ilə bağlı məsələlərini gündəmə gətirmişlər.
Masallı Rayon İcra Hakimiyyətinin başçısı Rafil Hüseynov görüşü yekunlaşdıraraq, qaldırılan məsələlərin həlli istiqamətində müvafiq qurumlara tapşırıqlar vermişdir. Əksər məsələlər yerində həll olunmuş, digərləri nəzarətə götürülmüşdür.
 
“Yeni həyat”,
www.yeniheyet.az 
 
 шаблоны для dle 11.2
Вернуться назад