Moskvada Xəzəryanı dövlətlərin xarici işlər nazirlərinin 7-ci müşavirəsi keçirilir
5-12-2017, 14:50. Разместил: yeni321
Moskvada Xəzəryanı dövlətlərin xarici işlər nazirlərinin 7-ci müşavirəsi keçirilirMoskvada Xəzəryanı dövlətlərin xarici işlər nazirlərinin 7-ci müşavirəsi keçirilir. Müşavirədə Azərbaycan xarici işlər naziri Elmar Məmmədyarov iştirak edir.
E.Məmmədyarov çıxışında bildirib ki, Xəzərin statusu məsələsinə dair aparılan danışıqlarda xeyli iş görülüb və hazırda məsələnin həlli üçün yaxşı imkanlar var. Xəzəryanı dövlətlərin hamısı belə bir ümumi rəyə gəliblər ki, konsensuma nail olunması üçün maksimum səy göstərilməlidir.
Rusiya, Azərbaycan, İran, Qazaxıstan və Türkmənistanın xarici siyasət idarələri başçıları danışıqlarda əsas diqqəti Xəzər dənizinin hüquqi statusu barədə Konvensiya, habelə Xəzərdə iqtisadiyyat, nəqliyyat, hərbi dənizçilik, brakonyerliyə qarşı mübarizə, gəmiçiliyin təhlükəsizliyinin təmin edilməsi sahələrində əməkdaşlığı və bəzi başqa məsələləri tənzimləyən sənədlər üzərində cəmləşdiriblər.
Sənədlər Xəzər hövzəsi ölkələri dövlət başçılarının növbəti sammitinə təqdim ediləcək.
AZƏRTAC
Вернуться назад