YADDAŞLARDAN SİLİNMƏYƏN FACİƏ
24-02-2021, 13:00. Разместил: yeni321
Masallıda “26 fevral - Xocalı Soyqırımı Günü”nün ildönümü ilə əlaqədar “Yaddaşlardan silinməyən faciə” mövzusunda onlayn konfrans keçirilibFevralın 24-də Masallı Rayon Gənclər və İdman İdarəsinin və “Gənclər evi” sosial xidmət müəssisəsinin birgə təşkilatçılığı ilə “26 fevral – Xocalı Soyqırımı Günü”nün ildönümü ilə əlaqədar olaraq “Yaddaşlardan silinməyən faciə” mövzusunda onlay konfrans keçirilmişdir.
Tədbir iştirakçıları əvvəlcə Xocalı qurbanlarının əziz xatirəsini bir dəqiqəlik sükutla yad ediblər.
Rayon Gənclər və İdman İdarəsinin rəisi Camal Manafov tədbiri şiriş sözü ilə açaraq bildirib ki, fevralın 25-dən 26-na keçən gecə Ermənistan hərbi birləşmələrinin, MDB-nin Xankəndidə yerləşən 366-cı alayının hərbiçiləri tərəfindən törədilmiş Xocalı soyqırımı və erməni məkrli siyasətinin qanlı cinayətləri yaddaşımızdan heç vaxt çıxmayacaq. Çünki Xocalıda baş verənlər təkcə Azərbaycan xalqına qarşı soyqırımı deyil, bütöv bəşəriyyətə qarşı yönəldilən qanlı cinayətdir. Bu kütləvi qırğında yüzlərlə insan vəhçicəsinə qətlə yetirilib, yandırılıb və girov götürülüb.Ulu öndər Heydər Əliyev hakimiyyətə qayıtdıqdan sonra bu qanlı faicəyə ilk dəfə olaraq, hüquqi-siyasi qiymət verilib və 1994-cü ildə ümummilli liderin təşəbbüsü ilə Azərbaycan parlamenti 26 fevralı Xocalı soyqırımı günü kimi qəbul edib. O, Azərbaycan Respublikasının Prezidenti İlham Əliyev erməni millətçilərinin xalqımıza qarşı törətdikləri cinayətlər, o cümlədən Xocalı faciəsi haqqında həqiqətlərin dünya ictimaiyyətinə çatıdırılması, onun soyqırım kimi tanınması üçün məqsədyönlü və ardıcıl fəaliyyət göstərdiyini bildirib.
“Gənclər evi” sosial xidmət müəssisəsinin Toxuculuq və tikiş dərnəyinin rəhbəri Əfsanə Kərimova çıxışında Xocalıda törədilənlərin heç bir müharibə qanunlarına sığmadığını, dinc əhalinin kütləvi şəkildə öldürülməsini XX əsrin ən ağır cinayət olduğunu diqqətə çatdırıb. Sonra öz əli işi olaraq hazırladığı “Ana Harayı” heykəli haqqında qısa məlumatı diqqətə çatdırıb.
Fəal gənc Abı Bağırov isə Xocalı hadisələrinin beynəlxalq ictimaiyyət tərəfindən ədalətli qiymət verilməsinə nail olmaq üçün gənclərimizin səfərbər olunmasının vacibliyini vurğulayıb.
www.yeniheyet.az
Вернуться назад