Tarix yazmış Azərbaycan xalqı...
1-03-2021, 12:08. Разместил: yeni321
Tarix yazmış Azərbaycan xalqı...Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimində Azərbaycan Respublikasının Prezidenti, Ali Baş Komandan şəhid ailələri və qazilərin sosial rifahının yüksəldilməsinin, ehtiyacı olan bütün qazilərə dövlət tərəfindən lazimi köməkliyin göstərilməsinin vacibliyini vurğuladı.
Ölkəmizin Dağlıq Qarabağ və ətraf ərazilərində Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə erməni işğalçıları üzərində qazandığı hərbi-siyasi Zəfər xalqımızın çoxəsrlik tarixinin ən böyük hadisəsidir. Tarixin müxtəlif dövrlərində azərbaycanlıların iştirak etdikləri müharibə və yürüşlərdə qazanılmış qələbələrdən heç birində Azərbaycan indiki qədər mühüm yer tutmamış, ümummilli əhəmiyyət kəsb etməmişdir.
Bütün bunlarla bərabər, Azərbaycan xalqının Dağlıq Qarabağda və ətraf ərazilərdə tam və qəti qələbəyə nail olması kimi tarixi missiyanı Azərbaycan Respublikasının Prezidenti, Ali Baş Komandan İlham Əliyev həyata keçirmişdir. Bu məqsədlə Prezident İlham Əliyev, ilk növbədə, Azərbaycan Respublikasını iqtisadi cəhətdən inkişaf etdirilmiş ölkə səviyyəsinə çatdırmaq vəzifəsini uğurla yerinə yetirmişdir.Cənab İlham Əliyev Azərbaycan Respublikasında iqtisadi cəhətdən bütün sahələrdə şaxələnmiş böyük inkişafa nail olmağı təmin etmişdir.
Prezident İlham Əliyevin Azərbaycan Respublikasının müdafiə qüdrətinin artırılması istiqamətində ardıcıl olaraq həyata keçirdiyi davamlı və məqsədyönlü siyasət Dağlıq Qarabağda böyük Qələbəyə aparan yolun ən mühüm hadisələrindəndir. Ordu quruculuğu sahəsində həyata keçirilmiş böyük islahatlar, şəxsi heyət arasında azərbaycançılıq, hərbi-vətənpərvərlik tərbiyəsinin qüvvətləndirilməsi, ordumuzun ən müasir hərbi texnika ilə silahlandırılması, yüksək ixtisaslı, peşəkar zabit korpusunun formalaşdırılması Azərbaycana regionda ən güclü orduya sahib olmaq imkanı qazandırmışdır. Ordu quruculuğunun təkimilləşdirilməsi üçün daim böyük işlər görüldü.Gənc vətənpərvər,vətəni hər şeydən üstün sevən nəsil yetişdi. Biz bunu 4 günlük Aprel döyüşlərində bir daha şahidi olduq . Aprel döyüşləri həm də Vətən müharibəsinin başlanmasının təməlini qoydu. Gənclərimizdə vətənə olan sevgisi bir daha artdı.
Ölkəmizin beynəlxalq miqyasdakı mövqelərini daha da möhkəmləndirməsi və gələcək Böyük Zəfərin əldə edilməsinin əsas faktorlarından biri olduğunu desək yanılmarıq.
Vətən müharibəsində parlaq qələbəmiz tarixən xalqımıza xas olan ədalətə inamı artırdı, diqqətəlayiq isə budur ki, ədaləti özümüz bərpa və bərqərar etdik.Biz haqq-ədalət uğrunda müharibə aparan xalq idik.Milli birlik hisslərinin gücünü ortaya qoyduq və zəfər qələbəsini qazandıq.
Biz həmişəlik yadda saxlamalıyıq ki,bu qələbəmizlə Azərbaycan tarixində yeni mərhələnin başlanmasının şahidi və iştirakçısıyıq. Bu yeni tariximizi dərin zəkası və qüvvətli yumruğu ilə yazan, xalqımızın iradəsini savaş və siyasət meydanında gerçəkləşdirən və tarixi yaddaşımıza həkk edən qüdrətli Prezident Müzəffər Ali Baş Komandan İlham Əliyevin başçılığı ilə, Vətən müharibəsini qələbəyə çatdıran qalib Azərbaycan Ordusu, canını Vətən yolunda qurban verən şəhidlərimizdir. Onların qəhrəmanlığı,şücaəti.fədakarlığı hər bir azərbaycanlı üçün örnəkdir və örnək olacaqdır..
Qəhrəman oğullarımız,hərbişilərimiz yüksək dövlət orden və medalları ilə təltif edilmişdir.
44 gündə bütün ölkə vətəndaşları bölgəsindən asılı olmayaraq qarabağlı idi..Əsgərimiz necə qeyrət, şücaət göstərirdisə, arxada bütün xalqımız da elə səbr, təmkin qələbəyə inam nümayiş etdirirdi. Çünki xalq onun etimadını doğruldan Prezidentinə tamamilə inanırdı, güvənirdi. Tarixi qələbəmiz bu baxımdan mənəvi dünyamızı da çox zənginləşdirdi. Xalqın dövlətə və dövlətçiliyə bağlılıq telləri daha da möhkəmləndi.
Prezident İlham Əliyevin sərəncamı ilə təsis edilmiş 8 noyabr Zəfər Günü çoxəsrlik Azərbaycan tarixinə qızıl hərflərlə yazılmış parlaq hadisədir. Bu, Ali Baş Komandan İlham Əliyevin, xalqımızın və rəşadətli Ordumuzun qazandığı böyük tarixi Zəfərdir. Bu tarixi qələbə ilə Azərbaycan bütün dünyaya öz gücünü bir daha göstərdi.
Yaşasın Ali Baş Komandan!
Yaşasın Azərbaycan Ordusu!
Yaşasın Azərbaycan Xalqı!
Əntiqə Tağıyeva,
R.Tağıyev adına Masallı rayon Tarix Diyarşünaslıq muzeyinin direktoru
Вернуться назад