Ermənistan ən unudulmaz dərsini aldı
29-04-2021, 12:48. Разместил: yeni321
Ermənistan ən unudulmaz dərsini aldıİllər boyu terrorçu qövm tərəfindən xalqımıza qarşı etnik təmizləmə siyasəti aparılıb. Nankor qonşu dövlət havadarlarının köməyilə müstəqilliyimizin qarşısını almağa cəhd eləyib.
30 ilə yaxın idi ki, işğalçı Ermənistanın mənfur siyasətindən əziyyət çəkirdik. 20 faiz torpaqlarımız zəbt edilmiş, bir milyondan çox soydaşımız qaçqın və məcburi köçkün vəziyyətinə düşmüşdü...
Azğın düşmən torpaqlarımızı tərk etməyərək, bədxah niyyətini davam etdirir, yeni ərazilər iddiası ilə bütün prinsipləri kobudcasına pozurdu. Dəfələrlə cəbhəboyu təxribatlar törədir, hərbi qulluqçularımızı və mülki sakinləri qətlə yetirilirdi. Hisslərimizlə oynayıb Şuşada qondarma parlament və prezident “andiçmə”si təşkil edirdilər.
Ötən il sentyabrın 27-də yenidən Ermənistan ordusu beynəlxalq hüquq normalarını pozaraq, bir neçə istiqamətdən dinc yaşayış məntəqələrimizə, hərbi mövqelərimizə hücum etdi. Təhlükəsizliyimizi təmin etmək məqsədilə əks-hücum əməliyyatı həyata keçirərək, işğal altında olan torpaqlarımızın azad edilməsinə qalxdıq. Qüdrətli Ordumuz qarşısında aciz qalan düşmənlərimiz münaqişəyə üçüncü dövlətləri cəlb etmək istəsələr də, döyüş bölgəsindən xeyli uzaqda yerləşən yaşayış məntəqələrimiz ağır artilleriyadan, istifadəsi qadağan silahlardan intensiv atəşə tutsalar da son olaraq arzuları gözlərində qaldı.
Çünki torpaqlarımızın azad edilməsi dövlət siyasətimizin prioriteti idi. Odur ki, əsas strateji xətt bu problemin həllinə, Ermənistanın işğalçılıq siyasətinə yönəldilmişdi. Heç zaman beynəlxalq təşkilatların ikili standartları ilə razılaşmadıq. Siyasi proseslərlə yanaşı ölkəmizin hərbi qüdrətini artırmağa müvəffəq olduq.
Qarşı tərəf elə zənn edirdi ki, Azərbaycan susacaq, işğal faktı ilə barışacaq. Amma düşmənin iddiaları alt-üst oldu. Ali Baş Komandanın rəhbərliyilə Müzəffər Ordumuz beynəlxalq təşkilatların bacarmadığı işi özü həll etdi. 44 günlük Vətən müharibəsi ilə Ermənistanın işğalçılıq siyasətinə son qoyuldu.
Prezident İlham Əliyevin BMT-nin Asiya və Sakit okean üçün İqtisadi və Sosial Komissiyasının 77-ci sessiyasında qeyd etdiyi kimi: “Azərbaycan özü BMT Təhlükəsizlik Şurasının qətnamələrini və beynəlxalq hüququn norma və prinsiplərini icra etmiş, tarixi ədaləti və ərazi bütövlüyünü bərpa etmişdir. 44 günlük Vətən müharibəsi zamanı Ermənistan silahlı qüvvələri tamamilə darmadağın olunmuşdur. Ermənistan 2020-ci il noyabrın 10-da kapitulyasiya aktını imzalamağa məcbur edilmişdir. Beləliklə, Ermənistan-Azərbaycan münaqişəsi sona çatmışdır. Münaqişə tarixdə qalmışdır.”
Elşən Əmrahov,
Masallı rayonunun Ərkivan qəsəbəsində məskunlaşan, Şuşa rayonunun Xanalılar kənd sakini.
Вернуться назад