Главная > Siyasət / Manşet > Vətən Müharibəsi Qəhrəmanı Ramiz Cəfərovun xatirəsi anılıb

Vətən Müharibəsi Qəhrəmanı Ramiz Cəfərovun xatirəsi anılıb


11-11-2021, 19:36. Разместил: yeni321
Vətən Müharibəsi Qəhrəmanı Ramiz Cəfərovun xatirəsi anılıb

Noyabrın 11-də 44 günlük Vətən müharibəsində qəhrəmancasına şəhid olan, Vətən Müharibəsi Qəhrəmanı, Xüsusi Təyinatlı Qüvvələrin komandir müavini, polkovnik-leytenant Ramiz Sübhan oğlu Cəfərovun anım mərasimi keçirilib.
 
Yeniheyet.az xəbər verir ki, şəhidin yaxınlarının, hərbçilərin və ictimaiyyət nümayəndələrinin iştirak etdiyi mərasimə Masallı rayonundan – rayon İcra hakimiyyəti başçısının müavini, İctimai-siyasi və humanitar məsələlər şöbəsinin müdiri Aybəniz Qafarova, RİHB aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev və Regional Hüquqi və İqtisadi Maarifləndirmə İctimai Birliyinin sədri Arzu Bağırova və başqaları qatılıblar.Tədbir öncəsi qəhrəmanın Bakı şəhəri İkinci Şəhidlər xiyabanındakı məzarı ziyarət edilib. Əvvəlcə Azərbaycan Respublikasının Dövlət Himni səsləndirilib, Azərbaycanın ərazi bütövlüyü uğrunda canından keçən şəhidlərin əziz xatirəsi bir dəqiqəlik sükutla yad olunub.
Anım mərasimi Sumqayıt şəhər Saray qəsəbəsindəki mərasim zalında davam etdirilib.
Şəhidin ailə üzvləri, cəbhə yoldaşları və yaxınları çıxışlarında Vətən Müharibəsi Qəhrəmanı, polkovnik-leytenant Ramiz Cəfərovun şücaəti və keçdiyi döyüş yolundan danışıblar.
 
Tədbirdə körpə fidanlar və məktəblilər vətənpərvərlik mövzusunda şeirlər söyləyiblər.

www.yeniheyet.azшаблоны для dle 11.2
Вернуться назад