Masallıda məktəblilər üçün maarifləndirmə seminarı keçirilib
12-11-2021, 15:51. Разместил: yeni321
"Dini radikalizm və narkomaniya ilə mübarizədə təhsilin rolu" mövzusunda seminar-treninq Noyabrın 12-də Masallı şəhəri Sakit Tağıyev adına 4 nömrəli tam orta məktəbində Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və Masallı Rayon Polis Şöbəsinin (RPŞ) təşkilatçılığı ilə pandemiya qaydaları gözlənilməklə “Dini radikalizm və narkomaniya ilə mübarizədə təhsilin rolu” mövzusunda seminar-treninq keçirilib.
Maarifləndirmə məqsədi daşıyan tədbirdə DQİDK-nin Masallı bölgəsi üzrə şöbəsinin müdiri, «Tərəqqi» medallı Miryəhya Bədirov, RPŞ-nin rəisi, polis polkovnik-leytenantı Azay Ağayev, rəis müavini, polis mayoru Elşən Talıbov, rayon təhsil şöbəsinin metodisti Hörmət Balakişiyev, məktəbin direktoru Hamlet Quliyev, müəllim və şagirdlər iştirak ediblər.
Çıxışlarda tədbirin əhəmiyyətindən danışılıb və bildirilib ki, gəncləri dini radikal qrupların təsirindən uzaq tutmaq üçün onlara dolğun bilik vermək, həmçinin İslam dinini düzgün şəkildə, olduğu kimi çatdırmaqdır. Çıxışlarda belə tədbirlərin təhsil ocaqlarında keçirilməsinin yeniyetmə və gənclərin dini maarifləndiriliməsində və onların dini radikal qrupların təsirindən uzaq olmasında mühüm əhəmiyyət daşıdığı vurğulanıb.
Qeyd edilib ki, İslam dünyasında son vaxtlar radikallıq meyllərinin artması ilk öncə İslamın özünə böyük bir zərbədir. Tədbirdə həmçinin dini radikalizmin İslam aləmində yaratdığı fəsadlardan və bu təsirlərə ən çox məruz qalan zumrənin müasir gənclər olduğu vurğulanıb.
Eyni zamanda bu gün bəşəriyyəti düşündürən, narahat edən ən ağrılı problemlərdən biri və ən başlıcası, cəmiyyətin ciddi bəlasına, xalqın, millətin təhlükə mənbəyinə çevrilən narkomaniyadır. Bu bəlaya qarşı aparılan mübarizə metodlarından istifadə etməyin lazım olduğunu, bu sahədə ciddi addımların atılmasının, təbliğat işlərinin artıtılmasının vacibliyi diqqətə çatdırılaraq vurğulandı ki, narkomaniya insanları ölümə doğru gedən yola aparır və bu yolda insanlar təkcə özlərini deyil, onlara aid olan bütün dəyərləri itirir.
Tədbirin iştirakçıları maraqlandıran suallar cavablandırlıb.
www.yeniheyet.az
Вернуться назад