Heydər Əliyev Azərbaycan xalqının azadlıq carçısıdır
10-05-2022, 11:55. Разместил: admin44
Azadlıq bəşəriyyətin daim arzusunda olduğu və bu yolda mübarizələr apardığı şirin bir nemətdir. Tarix boyu azadlığı hər şeydən üstün tutan Azərbaycan xalqı zaman-zaman buna nail ola bilib, özünün mənəvi-psixoloji dəyərlərini qoruyub saxlayıb.Heydər Əliyev demişdir: ”Siyasi rejimdə, əsarət altında yaşamasından asılı olmayaraq xalqımız həmişə milli azadlığa, istiqlala can atmışdır. ”Ulu Öndərimizin tariximizə verdiyi bu qiymət onu deməyə əsas verir ki,millətin mənəviyyatından süzülüb gələn dəyərlər onun siyasi dünyagörüşünün kamilliyinin kökündə dayanır.Əldə etdiyimiz suverenliyimizin təhlükə qarşısında olduğu vaxtlarda xalqımızın böyük və müdrik oğlu , dünyaşöhrətli şəxsiyyət, ümummilli liderimiz Heydər Əliyevin titanik səyləri nəticəsində onu qoruyub saxlaya bildik.
Odur ki, bu gün müstəqil dövlətin azad vətəndaşları olğumuz üçün Ulu Öndərimizə minnətdarıq.1988-ci ildə erməni daşnakları “Böyük Ermənistan” yaratmaq xülyası ilə Azərbaycana qarşı ərazi iddiaları irəli sürdükcə o dövrkü şəriştəsiz rəhbərlərin xəyanəti nəticəsində torpaqlarımız bir-birinin ardınca işğal olunurdu.Ölkəni siyasi-iqtisadi böhran bürümüşdü.Paytaxt Bakıda vəziyyət olduqca acınacaqlı idi.Ölkə vətəndaş müharibəsinə sürüklənirdi.Çətinliklə əldə etdiyimiz müstəqilliyi bu dəfə də itirmək təhlükəsi ilə üzləşdik.Bir-birini tez-tez əvəz edən rəhbər dəyişikliyi xalqı çaş-baş qoymuşdu.1993-cü ilin iyun ayında Gəncə hadisəsi törədildi.Qardaş qanı axıdıldı.Hadisələrin dəhşətli məcraya yönəldiyini görən xalqımız çıxış yolunu öz böyük və müdrik oğlu Heydər Əliyevin gəlişində gördü.Məhz Heydər Əliyevin Naxçıvandan Bakıya gəlişi xalqımızı bütün bəlalardan hifz edib qorudu.Ulu Öndərin mahir diplomatik səyləri və qətiyyəti sayəsində imzalanan “Əsrin müqaviləsi” neft sazişlərinin reallaşması,özəl sektorun inkişafına yaradılan əlverişli şərait, müasir tələblərə uyğun istehsal inkişafına yaradılan müəssisələrin işə salınması nəticəsində yeni iş yerləri yarandı, əhalinin sosial durumu yaxşılaşdı,xüsusilə regionlarda müşahidə edilən tənəzzülə son qoyuldu.İdarəçilik sistemində zəruri islahatlar aparıldı,insanların rahatlığı üçün geniş imkanlar açıldı, xalqın seçimi və istəyi hər bir məsələnin həllində əsas amilə çevrildi.
Ulu Öndər Heydər Əliyevin siyasi strategiyasından güc alan quruculuq prosesinin qısa zamanda daha geniş üfüqləri əhatə etdi.Azərbaycanı sevən,ölkəsinin gələcəyini düşünən hər bir vətəndaş tutduğu mövqeyindən asılı olmayaraq, üzərinə düşən vəzifəni ləyaqətlə yerinə yetirir,fəallıq və təəssübkeşlik göstərir.Böyük liderimiz, xalqımızın xilaskarı,Ulu Öndərimizin ideyaları bunu tələb edir.Azərbaycan müstəqilliyin gücləndirilməsi və onun dönməz xarakter alması, habelə heç kəsdən , nə siyasi, nə iqtisadi , nə də enerji cəhətdən asılı olmamağı üzərində çalışdı və buna nail oldu. Ulu Öndərin ideyaları bizə ruh verir.Bu ideyalar ümummilli liderin layiqli davamçısı İlham Əliyev tərəfindən ləyaqətlə davam etdirilir.44 günlük Vətən müharibəsində qazanılan qələbə nəticəsində ermənilər tərəfindən 30 ilə yaxın müddətdə işğal altında saxlanılan torpaqlarımız düşmən tapdağından azad edildi.Azərbaycan xalqı 30 il ərzində bu günlərin həsrətində idi, Ali Baş Komandanımızın liderliyi və müzəffər ordumuzun , şəhidlərimizin, qazilərimizin qəhrəmanlığı sayəsində xalqımız zəfər sevincini yaşadı, ölkəmizin ərazi bütövlüyü bərpa olundu.
Ulu Öndərin xatirəsi daim qəlbimizdə yaşayacaqdır.
Arif Mehtiyev,
Bədəlan kənd tam orta məktəbinin direktoru
"Yeni həyat" qəzeti,
www.yeniheyet.az
Вернуться назад