Şəhid Araz Seyfullayevin anım mərasimi
8-10-2022, 18:15. Разместил: admin44
08 oktyabr 2022-ci il tarixdə Masallı şəhərində 44 günlük Vətən müharibəsinin şəhidi, Azərbaycan Silahlı Qüvvələrinin Xüsusi təyinatlı qüvvələrindəki əsgəri Araz Elsevər oğlu Seyfullayevin anım mərasimi keçirilib.
Anım mərasimində Masallı Rayon İcra Hakimiyyətinin başçısı cənab Araz Əhmədov və aparatı, Milli Məclisin deputatı Məşhur Məmmədov, hüquq-mühafizə orqanlarının, YAP Masallı Rayon Təşkilatının fəalları, əsgər yoldaşları, qazilər, din xadimləri, şəhid ailələri və şəhər sakinləri iştirak ediblər.
Azərbaycan Silahlı Qüvvələrinin Xüsusi təyinatlı qüvvələrindəki şəhid əsgəri Araz Elsevər oğlu Seyfullayevin ailəsini ziyarət edən Masallı Rayon İcra Hakimiyyətinin başçısı Araz Əhmədov və qonaqlar ailənin qayğıları ilə maraqlanmış və hər zaman onların yanında olduqlarını bildirmişlər.
Azərbaycan Silahlı Qüvvələrinin Xüsusi təyinatlı qüvvələrindəki şəhid əsgəri Araz Elsevər oğlu Seyfullayevin ailəsi onlara göstərilən diqqət və qayğıya görə ölkə başçısı cənab İlham Əliyevə, Birinci vitse-prezident Mehriban xanım Əliyevaya, rayon rəhbərliyinə və qonaqlara minnətdarlığını ifadə etdi.
“Yeni həyat” qəzeti
www.yeniheyet.az
Вернуться назад