MASALLI-Səmidxan kəndindəki körpələr evi-uşaq bağçası istifadəyə verilib
17-09-2020, 15:27. Разместил: yeni321
Səmidxan kəndindəki körpələr evi-uşaq bağçası istifadəyə verilib Heydər Əliyev Fondu tərəfindən əsaslı təmir olunan körpələr evi-uşaq bağçası Masallı rayonunun Səmidxan kəndində istifadəyə verilmişdir.
Bağçanın binası 1987-ci ildə inşa olunub. Binada müxtəlif vaxtlarda kitabxana, həkim məntəqəsi və müxtəlif təşkilatlar fəaliyyət göstərib. Sonradan bina istifadəyə yararsız vəziyyətə düşüb.
Əsaslı təmir işlərinə 2019-cu ilin sonlarında başlanılıb və bu ilin iyun ayında yekunlaşıb.
100 yerlik körpələr evi-uşaq bağçasında yataq və oyun otaqları, idman və musiqi zalları, mətbəx, yeməkxana, anbar, tibb otağı, camaşırxana və digər inzibati və texniki otaqlar mövcuddur. Müəssisə zəruri mebel və avadanlıqlarla tam təchiz edilib. Bağçanın həyətyanı ərazisində yenidənqurma və yaşıllaşdırma işləri aparılıb.
Sentyabrın 17-də kəndin sakinləri ucqar kənddə körpələr evi-uşaq bağçası binasının əsaslı təmir olunmasına görə Prezident İlham Əliyevə və birinci xanım, Heydər Əliyev Fondunun prezidenti Mehriban Əliyevaya minnətdarlıqlarını bildiriblər.“Yeni həyat”,
www.yeniheyet.az
Вернуться назад