"Məktəblilərin radikal dini düşüncələrdən qorunmasında təhsilin əhəmiyyəti"
11-10-2021, 17:43. Разместил: yeni321
"Məktəblilərin radikal dini düşüncələrdən qorunmasında təhsilin əhəmiyyəti" Oktyabrın 11-də Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və rayon təhsil şöbəsinin birgə təşkilatçılığı ilə “Uşaqlara dair strategiyanın həyata keçirilməsi üzrə 2020-2025-ci illər üçün” Fəaliyyət Planına uyğun olaraq Masallı şəhəri Sakit Tağıyev adına 4 nömrəli tam orta məktəbində "Məktəblilərin radikal dini düşüncələrdən qorunmasında təhsilin əhəmiyyəti" mövzusunda seminar keçirilib.
Pandemiya qaydaları gözləməklə təşkil olunan tədbirdə DQİDK-nın Masallı bölgəsi üzrə şöbəsinin əməkdaşları Kamil Bağırov və Süleyman Abıyev, şəhər 4 nömrəli tam orta məktəbin direktor müavini Rahib Məmmədov, müəllim və yuxarı sinif şagirdləri iştirak ediblər.
Çıxışlarda qeyd edilib ki, ölkəmizdə din dövlətdən ayrıdır və dövlətin təhsil sistemi dünyəvi xarakter daşıyır: “Müəyyən radikal dini düşüncəyə malik insanların təsirindən yeniyetmə və gəncləri qorumaq hər birimizin vəzifəsidir və dini radikalizmlə mübarizədə ən effektiv metod gənclərin təhsilinin artırılmasıdır.”Həmçinin şagirdlər arasında bu kimi maarifləndirmə tədbirlərinin keçirilməsinin, gənclərin bu istiqamətdə məlumatlandırılmasının əhəmiyyəti vurğulanıb.
Sonda iştirakçıları maraqlandıran suallar cavablandırılıb.
www.yeniheyet.az
Вернуться назад