Masallıda şəhər məktəbləri arasında intellektual bilik yarışı
3-11-2022, 20:54. Разместил: admin44
Masallı Tarix Diyarşünaslıq Muzeyinin təşkilatçılığı ilə Şuşa ili və 8 Noyabr- Zəfər Gününə həsr olunmuş Masallı şəhər məktəbliləri arasında intellektual bilik yarışı keçirilib.
Masallı şəhər 4 nömrəli tam orta məktəbində baş tutan yarışda şəhər məktəbləri üzrə ümumilikdə 8 komanda iştirak edib.
Əvvəlcə şəhidlərin əziz xatirəsi bir dəqiqəlik sükutla yad edilib.
3 turdan ibarət gərgin mübarizənin sonunda N. Nərimanov adına şəhər 2 nömrəli tam orta məktəb 1-ci yerə , N. Əsgərli adına şəhər 3 saylı tam orta məktəb 2-ci yerə, «Dəfinə» məktəb liseyi isə 3-cü yerə layiq görülüb.
Yekunda digər komandalara da iştiraklarına görə təşəkkürnamələr təqdim olunub.
“Yeni həyat” qəzeti,
www.yeniheyet.az
Вернуться назад