• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallıda şəhid Araz Seyfullayevin doğum günü qeyd olunub

    Masallıda şəhid Araz Seyfullayevin doğum günü qeyd olunub

    Yaşasaydı 20 yaşı tamam olacaqdı
     
    Masallı şəhər şəhid Sakit Tağıyev adına 4 nömrəli Digah tam orta məktəbində Vətən müharibəsi şəhidi Araz Seyfullayevin doğum günü münasibətilə anım mərasimi keçirilib.
    Pandemiya qaydaları gözlənilməklə təşkil olunan tədbirdə məktəb rəhbərliyi,  şəhidin ailə üzvləri və döyüşçü dostları, ictimaiyyət nümayəndələri iştirak ediblər.
    Əvvəlcə Azərbaycanımızın bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib.  
    Sonra şəhid haqqında hazırlanmış videoçarx izlənilib.
    Mərasimdə şəhidin qısa, şərəfli həyat yoluna nəzər salınıb. Bildirilib ki, Araz Elsevər oğlu Seyfullayev 28 may 2001-ci ildə Masallı şəhərində anadan olub. 2018-ci ildə Sakit Tağıyev adına Masallı şəhər 4 nömrəli tam orta məktəbini bitirib. Masallı Rayon Gənclər və İdman İdarəsi nəzdində Uşaq Gənclər İdman Məktəbinin cüdo bölməsinin yetirməsi kimi dəfələrlə rayon və zona yarışlarının iştirakçısı və mükafatçısı olub.
    A.Seyfullayev 2019-cu ilin iyul ayında çağırışçı kimi hərbi xidmətə yollanıb. Hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. 2019-cu ilin oktyabr ayının əvvəlindən Xüsusi Təyinatlı Qüvvələrə qatılıb.
    Araz Seyfullayev 27 sentyabr 2020-ci il tarixdə Azərbaycan Silahlı Qüvvələri tərəfindən erməni işğalı altında olan ərazilərin azad edilməsi üçün başlanan Vətən müharibəsi zamanı Füzuli, Cəbrayıl rayonlarının alınmasında iştirak edib. Oktyabrın 7-də Füzuli döyüşləri zamanı şəhidlik zirvəsinə ucalıb.
    Şəhidin nəşi 8 oktyabr 2020-ci il tarixdə doğulduğu Masallı şəhər Digah qəbiristanlığında izdihamla torpağa tapşırılıb. Subay idi.
    Azərbaycan Respublikasının ərazi bütövlüyünün təmin olunması uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Silahlı Qüvvələrinin əsgəri Araz Elsevər oğlu Seyfullayev ölümündən sonra “Vətən uğrunda”, “Füzulinin azad olunması” və “Cəsur döyüşçü” medalları ilə təltif olunub.
    Məktəbin direktoru Hamlet Quliyev Azərbaycan Respublikasının Prezidenti, Ali Baş Komandan İlham Əliyevin qətiyyəti və iradəsi, böyük sərkərdə qabiliyyəti sayəsində müzəffər Ordumuzun 30 illik Qarabağ həsrətinə son qoyduğunu bildirib. O, deyib ki, 44 günlük Vətən müharibəsində yüzlərlə masallılı gənc könüllü olaraq torpaqlarımızın azadlığı uğrunda savaşa atıldı, Araz kimi oğullarımız sayəsində Zəfər tarixini yazdıq.
    “Yeni həyat” qəzetinin baş ədəbi işçisi Akif Ağayev, SHXÇDX Masallı rayon şöbəsinin səfərbərlik üzrə zabiti Vüsal Nağıyev qazandığımız böyük Zəfərə görə canından keçərək şəhidlik zirvəsinə ucalan oğullarımıza, onların valideynlərinə, sağlamlıqlarını itirən qazilərimizə bir ömür boyu minnətdar və borclu olduğumuzu vurğulayıblar.
    Birinci Qarabağ müharibəsi şəhidi Taleh Xudaverdiyevin qardaşı Elnur, Arazın sinif rəhbəri olmuş veteran müəllim Solmaz Rəsulova, məktəbin direktor müavini Rahid Məmmədov, çağırışaqədərki hazırlıq rəhbəri Rafiq Abbasov, şəhidin adını daşıyan 1 “a” sinfinin rəhbəri Ülviyyə Abbasova müstəqilliyimiz və torpaqlarımızın ərazi bütövlüyü uğrunda şəhid olmuş qəhrəmanlarımızın gənc nəslə örnək olduğunu vurğulayıb, onların heç zaman unudulmayacağını diqqətə çatdırıblar.
    Vətən müharibəsi iştirakçıları Aslan Əzizov, Tərlan Adıgözəlov döyüş xatirələrini bölüşüblər.
    Şəhid Araz Seyfullayevin anası Günay xanım, şəhid Cavad İbadovun anası Rəsmiyyə xanım tədbirin təşkilatçılarına minnətdarlıqlarını bildirib, torpaqlarımızı işğaldan azad edərək xalqımıza qələbə sevinci bəxş edən oğulları ilə fəxr etdiklərini söyləyiblər.
    Bildirilib ki, bu gün dövlətin, ölkə başçısının rəhbərliyilə aparılan siyasət şəhidlərə, qazi və şəhid ailələrinə sonsuz ehtiramın nümunəsidir.
    Məktəblilərin ifasında vətənpərvərlik mövzusunda şeirlər səsləndirilib, ədəbi-bədii kompozisiya nümayiş olunub.
    Anım mərasiminin sonunda şəhidin məzarı ziyarət edilib, üzərinə gül-çiçək düzülüb, ruhuna dualar oxunub.




     
    Akif VAQİFOĞLU,
    www.yeniheyet.az
     шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 20:34 Masallılı heykəltəraş Vətən Müharibəsi Qəhrəmanının büstünü hazırlayıb
    2. 19:43 Masallıda şəhid Nurlan Əbilovun doğum günü qeyd edilib
    3. 14:09 Masallıda şəhidlərin xatirəsinə həsr olunmuş virtual kompozisiya nümayiş olunub
    4. 11:46 Peyvənd sertifikatı
    5. 11:43 COVİD-19 pandemiyasına qarşı Azərbaycanda həyata keçirilən vaksinasiya
    6. 21:45 Masallı Tarix-Diyarşünaslıq Muzeyinə ekskursiya
    7. 21:28 Masallıda COVID-19 pasportu olmayanlar toylara buraxılmayıblar
    8. 19:54 Masallıda şəhid Sübhan Həsənovun doğum günü qeyd olunub
    9. 15:42 Masallılı güləşçi dünya ikincisi oldu
    10. 12:53 Masallıda Gənclər və İdman Nazirliyinin yaranma günü ilə bağlı tədbir
    11. 12:38 Azərbaycan iqtisadiyyatının inkişafı
    12. 12:37 Azərbaycanın Zəfəri Ermənistanın ideoloji süqutu deməkdir
    13. 16:42 Enerji təhlükəsizliyinin təmin olunması
    14. 16:41 İşğaldan azad olunmuş ərazilərdə infrastrukturun yaradılması istiqamətində fəal işlər görülür
    15. 16:01 Masallının Boradigah qəsəbəsində uşaq-əyləncə mərkəzi yaradılır
    16. 21:17 Masallıda 22 İyul – Milli Mətbuat Günü
    17. 18:41 Masallıda tədbir – "Heydər Əliyev və müasir Azərbaycan mətbuatının inkişaf tarixi"
    18. 18:25 Masallıda Qurban payları paylanılıb
    19. 20:30 Prezident İlham Əliyev rusiyalı həmkarı ilə görüşüb
    20. 15:53 Masallıda karantin qaydalarını pozan şadlıq sarayları aşkarlanıb
    21. 20:47 Şuşada vəhdət və birlik əks olunur
    22. 14:20 "MƏTBUAT CƏMİYYƏTİN GÜZGÜSÜDÜR"
    23. 10:54 Prezident Qurban bayramı münasibətilə Azərbaycan xalqını təbrik edib
    24. 20:58 Masallıda uşaqlar üçün ustad dərsləri təşkil edilib
    25. 07:56 Masallıda taekvondo üzrə açıq rayon birinciliyi keçirilib
    26. 17:23 Masallı pəhləvanları Respublika turnirinin qalibidir
    27. 16:24 Şəhid ailələri və müharibə əlilləri daim dövlət qayğısı ilə əhatə olunacaqlar
    28. 16:20 Qoşulmama hərəkatı
    29. 16:06 Mediamız yeni inkişaf mərhələsinə qədəm qoyur
    30. 12:21 Masallı RİH başçısı şəhərdəki abadlıq-quruculuq işləri ilə tanış olub
    31. 23:13 MÖCÜZƏ ALƏMİNİN BAL ƏTRİ…
    32. 21:25 Prezident İlham Əliyev Xocasən qəsəbəsində şəhid ailələri və müharibə əlillərinə mənzillərin və avtomobillərin təqdim olunması mərasimində iştirak edib
    33. 15:57 Masallıda şahmat üzrə rayon birinciliyinə yekun vurulub
    34. 15:45 Masallıda mayor Anar Novruzovun şəhid olmasının ildönümü qeyd olunub
    35. 22:22 “QƏHRƏMANLIQ QALASI”
    36. 18:26 Prezident İlham Əliyevin Qoşulmama Hərəkatının Xarici işlər nazirlərinin aralıq konfransında videoformatda çıxışı təqdim olunub
    37. 17:55 Masallı şəhərində 22 küçənin asfaltlanması yekunlaşıb
    38. 18:06 Masallıda tütün yığımına başlanılıb
    39. 17:57 Masallıda indiyədək 39 min tondan çox tərəvəz istehsal olunub
    40. 17:50 Azərbaycanda Qurban bayramının qeyd edilməsi
    «    Avqust 2021    »
    BeÇaÇCaCŞB
     1
    2345678
    9101112131415
    16171819202122
    23242526272829
    3031 
    DÜNYA XƏBƏRLƏRİ