Главная > Mədəniyyət > “Mədəniyyət kəndlərdə" layihəsi – Masallının Musaküçə kəndində

“Mədəniyyət kəndlərdə" layihəsi – Masallının Musaküçə kəndində


23-11-2021, 22:15. Разместил: yeni321
Mədəniyyət kəndlərdə" layihəsi – Masallının  Musaküçə kəndində 
 
Masallı Regional Mədəniyyət İdarəsinin təşkilatçılığı ilə keçirilən "Mədəniyyət kəndlərdə" layihəsi çərçivəsində növbəti tədbir keçirilib.
Noyabrın 23-də, Masallı rayonunun qədim sənətkarlıq və təsərrüfat ənənələri ilə seçilən Musaküçə kəndində reallaşdırılan tədbirdə rəsmi şəxslər, mədəniyyət işçiləri, ziyalılar, Vətən müharibəsi iştirakçıları, kənd sakinləri, ictimaiyyət nümayəndələri iştirak ediblər.
 
Yeniheyet.az xəbər verir ki, tədbir vətənimizin bütövlüyü uğrunda gedən döyüşlərdə əbədiyyətə qovuşmuş şəhidlərin xatirəsinin yad edilməsindən sonra açıq elan olunub.
Masallı Xalq Teatrının rejissoru Cəmaləddin Əliyev budəfəki tədbirin təşkilatçısı Musaküçə kənd Sənətkarlıq evinin kollektivinə və tədbirə geniş sərgi və bədii proqramla qatılan iştirakçılara minnətdarlıq bildirib, həmçinin layihə çərçivəsində bugünədək keçirilən tədbirlərindən bəhs edib.
Masallı Regional Mədəniyyət İdarəsinin rəisi Bəxtiyar Qılıncov layihənin Mədəniyyət Nazirliyinin müvafiq fəaliyyət istiqamətləri və mədəni yanaşmalarına uyğun həyata keçirildiyini bildirib. O, layihənin mahiyyətindən söhbət açaraq yerlərdə qorunan mədəni dəyərlərin geniş ictimaiyyətə tanıdılması, kənd müəssisələrinin işinin genişləndirilməsi və yaradıcı gənclərin aşkarlanmasını layihənin əsas məqsədi olduğunu nəzərə çatdırıb.
Masallı Rayon İcra Hakimiyyəti başçısının müavini Aybəniz Qafarova tədbirin Musaküçə kəndində keçirilməsini müsbət hadisə kimi qiymətləndirib və layihəyə görə təşkilatçılara minnətdarlıq edib. A. Qafarova bu kimi tədbirlərin kəndlərdə təşkilini yerli mədəniyyətin inkişafına təkan olacağını, həmçinin rayona xas olan mədəni dəyər və ənənələrin tanıdılması işinə dəstək verəcəyini qeyd edib.
  
Musaküçə kənd tam orta məktəbinin müəllimi Rizvan Rzayev isə Musaküçə adının etimologiyası, kəndin tarixi, təsərrüfatı, qədim el sənətkarlığı sahələri, tanınmış şəxsləri, müharibə iştirakçıları və əmək qəhrəmanları barədə məlumat verib.
 
Sonra tədbirin bədii hissəsi başlayıb. Məktəblilər şəhidlərə həsr olunmuş vətənpərvərlik şeirləri səsləndiriblər, "Halay" folklor Xalq ansamblı tərəfindən maraqlı rəqs kompozisiyası ifa olunub.
  
Rəsmilər və tədbir iştirakçıları mədəniyyət müəssisələrinin çeşidli el sənətkarlığı sahələri və qədim əşyalardan qurulmuş sərgilərinə baxış keçirib, istedadlı yeniyetmə və gənclərin əl işləri ilə tanış olublar. Tədbirdə kənd sakinləri ənənəvi sənətkarlıq sahəsi olan həsirçiliyə aid çoxsaylı məişət məmulatları və müxtəlif təsərrüfat məhsulları ilə təmsil olunublar. Sərgi və bədii kompozisiyalar iştirakçılar tərəfindən maraqla qarşılanıb.
 
Yekunda mədəniyyət tədbirlərində fəal iştirak edən bir qrup istedadlı məktəbliyə təşkilat komitəsinin "Təşəkkürnamə"si təqdim edilib.

www.yeniheyet.az
 
 шаблоны для dle 11.2
Вернуться назад