YAP Masallı rayon təşkilatında 2018-ci ilin yekunlarına dair tədbir keçirilib
11-01-2019, 14:26. Разместил: yeni321
YAP Masallı rayon təşkilatında 2018-ci ilin yekunlarına dair tədbir keçirilibYanvarın 11-də Yeni Azərbaycan Partiyası Masallı rayon təşkilatı aparatında 2018-ci ilin yekunları və 2019-cu ildə qarşıda duran vəzifələrə həsr olunmuş tədbir keçirilib.
Tədbiri Yeni Azərbaycan Partiyası Masallı rayon təşkilatının sədri Seyfəddin Əliyev açaraq iştirakçıları salamlayıb, məruzə ilə çıxış edərək bildirib: “Ölkəmiz özünün inkişaf mərhələsinin daha bir uğurlu ilini başa vurdu. Qazanılan müvəffəqiyyətlərdə ulu öndər Heydər Əliyevin yaratdığı Yeni Azərbaycan Partiyasının əməyi vardır. Ölkəmizin ictimai-siyasi həyatında aparıcı rol oynayan Yeni Azərbaycan Partiyası həyatımızın bütün sahələrində tərəqqiyə nail olmaq məqsədilə yüksək fəallıq nümayiş etdirir. YAP-ın milli maraqlarımıza və ölkəmizin inkişafına xidmət edən fəaliyyəti cəmiyyət tərəfindən daim yüksək dəyərləndirilir. Partiyamızın fəaliyyətində söykəndiyi ideologiya onu daim uğurlara aparır. Ötən müddət ərzində YAP özünün dünənin, bu günün və sabahın partiyası olduğunu bir daha sübut etdi”. Prezident İlham Əliyevin Sədri olduğu Yeni Azərbaycan Partiyasının cəmiyyətin bütün sahələrini əhatə edən səmərəli fəaliyyətindən bəhs edən Seyfəddin Əliyev əlavə edib ki, YAP sahib olduğu strateji resurslarla Azərbaycan siyasi sisteminin alternativsiz siyasi güc mərkəzidir: “YAP-ın cəmiyyətə təqdim etdiyi dəyərlər, məqsədlər artıq siyasi ənənə kimi səciyyələndirə biləcəyimiz ideoloji tezislər vasitəsilə Azərbaycan xalqı tərəfindən mənimsənilib”.
Seyfəddin Əliyev qeyd edib ki, yola saldığımız 2018-ci il müstəqil respublikamız üçün əlamətdar hadisələrlə yadda qaldı. Azərbaycan Respublikasının Prezidenti cənab İlham Əliyev Nazirlər Kabinetinin yanvarın 10-da keçirilən iclasında 2018-ci ili ölkəmizdə Azərbaycan Xalq Cümhuriyyəti ili elan etmişdir. Yeni Azərbaycan Partiyasının qurucusu və memarı, ümummilli liderimiz Heydər Əliyevin 95 illik yubileyi ölkəmizin hər yerində olduğu kimi Masallı rayonunda da geniş şəkildə qeyd olundu.
2018-ci ilin növbəti əlamətdar hadisəsi ölkəmizdə keçirilən növbəti prezident seçkiləri olduğunu bildirən Seyfəddin Əliyev diqqətə çatdırıb ki, Azərbaycan seçicilərinin böyük əksəriyyəti bu seçkilərdə fəal iştirak etdi və 2018-ci il aprelin 11-də keçirilən seçkilərdə Yeni Azərbaycan Partiyasının namizədi İlham Heydər oğlu Əliyev seçicilərin 86,02 faiz səsini qazanaraq yenidən Azərbaycan Respublikasının Prezidenti seçildi.
Sonra YAP Masallı rayon təşkilatının fəaliyyətindən danışan sözçü siyasi həmfikirlərinin rayonun inkişafındakı rolundan bəhs edib, partiya üzvlərinin ölkənin qüdrətlənməsi yolunda möhtərəm Prezidentimizin ətrafında sıx birləşməsini gündəmə gətirib. O, qeyd edib ki, YAP Masallı rayon təşkilatı 11266 partiya üzvünü özündə birləşdirir. Onlardan 3391-i qadınlar, 3223-ü isə gənclərdir. Təkcə 2018-cı ildə 252 nəfər ərizə ilə müraciət edərək partiyanın sıralarına qəbul olub ki, onlardan 11-ini qadınlar, 167-sini gənclər təşkil edib. Ümumi tərkibdə partiya üzvlərinin 3470 nəfəri ali, 2117 nəfəri orta ixtisas təhsillidir.
2018-ci il ərzində YAP Masallı rayon təşkilatı özündə birləşdirdiyi ərazi ilk partiya təşkilatlarının sayını artıraraq ilk təşkilatların sayını 106-ya çatdırmışdır.Natiq 2019-cu ildə təşkilatın qarşısında duran əsas vəzifələri də tədbir iştirakçılarının diqqətinə çatdırıb.
Bədəlan ərazi ilk partiya təşkilatının sədri Arif Mehtiyev, “Dəfinə” məktəb-liseyi ərazi ilk partiya təşkilatının sədri Taleh Əkbərov, Türkoba ərazi ilk partiya təşkilatının sədri Leyla Əzizova və başqaları çıxışlarında ölkədə, eləcə də, rayonda gedən quruculuq və abadlıq işlərindən söz açıb, Yeni Azərbaycan Partiyasının uğurlarından bəhs ediblər.
Sonda partiya həyatında yaxından iştirak edən bir qrup fəalıa YAP Masallı rayon təşkilatının Fəxri Fərmanı və qiymətli hədiyyələr verilib, partiya sıralarına yeni daxil olanlara üzvlük vəsiqələri təqdim olunub.
“Yeni həyat”,
www.yeniheyet.az
Вернуться назад