Masallı RİH başçısı şəhərdəki abadlıq-quruculuq işləri ilə tanış olub
5-11-2021, 22:32. Разместил: yeni321
Masallı RİH başçısı şəhərdəki abadlıq-quruculuq işləri ilə tanış olub
Masallı Rayon İcra Hakimiyyətinin başçısı Şahin Məmmədov şəhərin prospekt və küçələrində görülən son abadlıq-quruculuq işləri ilə tanış olub.
Heydər Əliyev, Zərifə Əliyeva, Fuad Novruzov, Füzuli, Səməd Vurğun, Elşad Hüseynov, Teymur Bayraməlibəyov adına küçə və prospektlər, eləcə də məhəllərarası yollardakı yenidənqurma abadlıq-quruculuq işləri ilə yerində tanış olan rayon rəhbəri məsul şəxslərə tapşırıq və tövsiyələrini verib, 4 məhəllələrarası yolun asfaltlanması işini gündəmə gətirib.
RİH başçısı bildirib ki, Azərbaycan Prezidenti cənab İlham Əliyevin diqqət və qayğısı sayəsində regionların sosial-iqtisadi inkişafına dair qəbul olunmuş çoxsaylı Dövlət Proqramlarına əsasən respublikamızın bölgələrində aparılan quruculuq işləri Masallıda da uğurla həyata keçirilir və bundan sonra da davam etdiriləcək. Qeyd edilib ki, ötən il Masallı şəhərində 22 küçəyə, cari ildə 20-yə yaxın küçəyə standartlara uyğun və keyfiyyətli asfalt örtüyü döşənib.
İcra başçısı yurdsevər Masallı sahibkarlarının, inşaatçılarının rayonda görülən abadlıq-quruculuq işlərindəki fəallığını xüsusi vurğulayıb. O, sakinlərə abad küçələrin ətrafında səliqə-səhmana fikir verilməsini, yol kənarlarında yaşıllıqların salınması, sudurumların axıdılmasını, yeni ağacların əkilməsini, köhnə ağacların budanmasını tapşırıb.
Şəhər sakinlərindən Təhmasib İsayev və başqaları görülən abadlıq-quruculuq işlərinə görə ölkə rəhbərinə, icra başçısına, eləcə də yol inşaatçılarına minnətdarlığını bildiriblər.
İnşaatçılarla görüşən rayon rəhbəri onlara bəzi tövsiyə və tapşırıqlarını verib.
www.yeniheyet.az
Вернуться назад