Azərbaycan Respublikasının Prezidenti İlham Əliyev bu ilin altı ayının sosial-iqtisadi  yekunlarına həsr olunmuş müşavirədə iştirak etmişdir

 İyulun 11-də Azərbaycan Respublikasının Prezidenti İlham Əliyevin sədrliyi ilə 2013-cü ilin altı ayının sosial-iqtisadi yekunlarına həsr olunmuş müşavirə keçilib.

Çıxış zamanı ölkə başçısı İlham Əliyevin 2023-cü ilin altı ayında görülmüş sosial-iqtisadi işlər haqqında geniş məlumat verdi. Eləcə də cari ilin qarşıda duran altı ayında sosial-iqtisadi inkişafın uğurlu addımlarını davamlı şəkildə təmin olunmasını əminliklə qeyd etdi, bu ilin altı ayında qeyri-neft sektorunun inkişafı, Qarabağın və Şərqi Zəngəzurun bərpası, iqtisadi və sosial sahələrdə islahatların davam etdirilməsi zəruri məsələlərdən olduğunu vurğuladı.

 Prezident İlham Əliyev onu da bildirdi ki, bütövlükdə altı ay ərzində iqtisadiyyatımız kifayət qədər inkişaf edib. Buna nümunə olaraq qeyri-nefr sektorumuz və eləcə də qeyri-neft sektorunun sənaye sahəsi kifayət qədər artıbdır. Qeyri-neft sənayemiz 6,5 faiz və qeyri-neft sektoru ümumiyyətlə, 3 faizdən çox artıbdır.

 Ölkə başçısı cənab İlham Əliyev eləcə də maliyyə vəziyyətin yüksək dərəcədə yaxşılaşdığını bildirdi. Bunun-bu yüksələn hədlə irəliləyişi maliyyə sahəsində nizam intizam işlərinin möhkəmləndirilməsi, vergi və gömrük orqanlarında islahatların davam etdirilməsi, şəffaflığın təmin edilməsi əsassəbəblərdən hesab edilirvə bu amillər bizə bir daha büdcəyə baxış keçirilməsinə imkan verir ki, həm ölkə qarşısında duran əsasinvestisiya layihələrini icra edək. Eləcə də azad olunmuş torpaqlarda geniş quruculuq işlərinə növbəti təkan verək və bizim hərbi gücümüzü artıraq.

Prezident bildirib ki, ölkələrin böyük əksəriyyəti daha çox idxal edir, nəinki ixrac edir. Bizdə isə bu, tam əksinədir və ilin birinci altı ayında bizim profisitimiz təqribən 10 milyard dollara yaxındır: Makroiqtisadi sabitlik uzun illər ərzində təmin edilir. Manatın məzənnəsi altı ildir ki, sabitdir və bu da dünya praktikasında, xüsusilə indiki şəraitdə nadir hadisələrdən biridir. Bu, düşünülmüş siyasətin təzahürüdür və bu siyasətin mərkəzində Azərbaycan vətəndaşı dayanır. İnflyasiyanın ikirəqəmli olması bizi düşündürməlidir. İlin sonuna qədər inflyasiya birrəqəmli səviyyəyə düşə bilər. Burada təbii səbəblərlə yanaşı, subyektiv səbəblər də vardır. Onlar daha ciddi araşdırılmalıdır.

 Böyük Qayıdış proqramının birinci mərhələsində 100 yaşayış məntəqəsinin yenidən qurulmasının nəzərdə tutulduğunu qeyd edən Azərbaycan Prezidenti bildirib ki, “ilin sonuna qədər Laçın şəhərinin Zabux və Sus kəndlərinə də keçmiş məcburi köçkünlər qayıdacaqlar. Qayıdış proqramı ardıcıllıqla aparılır. İlin sonuna qədər bizim artıq beş yaşayış məntəqəmizdə - bir şəhər və dörd kəndimizdə vətəndaşlar öz dədə-baba torpaqlarında tam məskunlaşacaqlar. Bütövlükdə nəzərdə tutulmuş investisiya proqramı əsasında bu ilin sonuna qədər Qarabağ və Şərqi Zəngəzura təqribən 12 milyard manata qədər vəsaitin xərclənməsi nəzərdə tutulur. Görülən bütün işlər Azərbaycanın hesabına həyata keçirilir. İki məktəb istisna olmaqla, qalan bütün infrastruktur, inşaat işləri Azərbaycanın büdcəsi hesabına və Azərbaycanın dövlət şirkətləri tərəfindən həyata keçirilir. Eyni zamanda, Heydər Əliyev Fondu ondan çox məscidi yenidən inşa edir, yaxud da ki, onları əsaslı şəkildə bərpa edir.

 Çıxışının sonunda cənab İlham Əliyev yaxın günlərdə Xəzər dənizində Abşeron yatağından çıxarılmış qazın əhəmiyyətindən söhbət açdı. O bildirdi ki, “Abşeron” un birinci fazası artıq icra edilir və yəqin ki, SOCAR öz xarici tərəfdaşları ilə bu yatağın ikinci fazasının işlənməsi ilə bağlı tezliklə daha fəal danışıqlara başlamalıdır. Yenə də deyirəm, biz gözləyirdik ki, kəşfiyyat olacaq, amma sözün düzü, bu qədər gözəl nəticələri gözləmirdik. Bu, çox gözəl bir xoş xəbər oldu və Azərbaycanın enerji potensialına kölgə salmağa çalışan bəzi dırnaqarası ekspertlərə də çox yaxşı, tutarlı cavab olmuşdur. 

 

 

 Abdullayev Canəli,
Masallı rayonu Qarğalıq kənd Ə.Vəliyev adına tam orta məktəbin Dil-ədəbiyyat müəllimi