Masallıda əhalinin məşğulluğu haqqında
- 15-09-2023, 13:36
- Maraqlı
- 0
- 134
Masallı Rayon Statistika İdarəsindən verilən məlumatda bildirilir ki, rayon üzrə 2023-cü ilin iyul ayının 01-i vəziyyətinə iqtisadi fəal əhalinin sayı 112952 nəfər olmuş, onlardan 106898 nəfərini məşğul, 6054 nəfərini isə işsiz əhali təşkil etmişdir.
Masallı rayonu üzrə işsizlik səviyyəsi 5,4 faiz olub.
Məlumat üçün qeyd edilir ki, məşğul əhali - Azərbaycan Respublikasının qanunvericiliyinə zidd olmayan və bir qayda olaraq qazanc (gəlir) gətirən hər hansı fəaliyyətlə məşğul olan Azərbaycan Respublikasının vətəndaşları, Azərbaycan Respublikasında daimi yaşayan vətəndaşlığı olmayan şəxslər və əcnəbilərdir.
İşsiz əhali – işi və qazancı olmayan, işə başlamağa hazır olub, müvafiq icra hakimiyyəti orqanında işaxtaran kimi qeydiyyata alınan əmək qabiliyyətli yaşda olan əmək qabiliyyətli şəxslərdir. Bu şəxslər, milli qanunvericiliyə uyğun olaraq işsiz statusu almaq hüququna malikdir.
İşsizliyin səviyyəsi – işsizlərin sayının iqtisadi fəal əhalinin sayında faizlə ölçülən xüsusi çəkisidir.
"Yeni həyat" qəzeti,
www.yeniheyet.az
