İnkişafa aparan yolda gənclərin həmrəyliyi — MASALLIDA TƏDBİR

Masallı Tarix- Diyarşünaslıq Muzeyi və Mərkəzi Kitabxananın birgə təşkilatçılığı ilə 2-Fevral Gənclər Günü münasibətilə “İnkişafa aparan yolda gənclərin həmrəyliyi” mövzusunda tədbir keçirilib.

Muzeydə keçirilən tədbirdə təşkilatçı müəssisələrin əməkdaşları, ziyalılar, qazilər, tələbələr və rayonunun fəal gəncləri iştirak ediblər.

Əvvəlcə ümummilli lider Heydər Əliyevin və şəhidlərin əziz xatirəsi bir dəqiqəlik sükutla yad olunub.
Tədbiri giriş sözü ilə açan muzeyin direktoru Əntiqə Tağıyeva çıxış edərək gəncləri əlamətdar gün münasibətilə təbrik edib, ölkəmizin hərtərəfli inkişafında gənclərin rolunun danılmaz olduğunu, onların cəmiyyətin fəal qurucularına çevrildiyini bildirib. Bu gün ölkəmizdə Gənclər Gününün qeyd edilməsinin, bu sahədə dövlət siyasətinin formalaşdırılmasının ümummilli lider Heydər Əliyevin adı ilə bağlı olduğu xüsusi vurğulanıb.

Sonra muzeyin kiçik elmi işçisi Nazənin Heydərzadə mövzu ilə bağlı geniş məruzə edib.
Masallı rayon Veteranlar Şurasının sədri Məmmədağa Şiriyev çıxışında Müasir Azərbaycan gəncinə tək özünü yox bütün xalqı və cəmiyyəti düşünərək irəliyə addım atmaqlarını tövsiyə edib. O, bildirib ki, bu gün gənclərimizin gələcəyini düşünərək ümummilli liderimiz Heydər Əliyev siyasətinin layiqli davamçısı, Azərbaycan Respublikasının Prezidenti İlham Əliyev öz fəaliyyətində Azərbaycan gəncliyinin sağlamlığı, təhsili, bilik və peşəkarlıqlarının artırılması, onların sosial problemlərinin həlli istiqamətində böyük işlər görür.

Vətən müharibəsi veteranı Bəxtiyar Salayev, Masallı Dövlət Regional Kollecin əməkdaşı Humay Ağayeva, mərkəzi kitabxananın direktor əvəzi Zamin Məmmədov və digər çıxış edənlər vurğulayıblar ki, hər bir ölkədə gənclər cəmiyyətin aparıcı qüvvəsidir. Bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Hazırda respublikada mövcud olan yüzlərlə qeyri-hökumət və gənclər təşkilatlarının aktiv fəaliyyəti dövlətin yaratdığı şərait sayəsində mümkün olub. Dövlətin gənclərə dəstək və diqqət göstərməsi Azərbaycan gəncliyində, öz gücünə, istedadına inam hissini artırır.

Yekunda rayonun ictimai-siyasi həyatında müxtəlif sahələrdə fərqlənən gənclərə “Fəxri Fərman”lar və hədiyyələr təqdim olunub.








"Yeni həyqt" qəzeti,
www.yeniheyet.azшаблоны для dle 11.2