Avropa reallığı dərk etməlidir

             
Fevralın 28-də Azərbaycan Respublikasının Prezidenti İlham Əliyev Alman İqtisadiyyatının Şərq Komitəsinin sədri Mixael Harmsın rəhbərlik etdiyi nümayəndə heyətini qəbul edib.Böyük nümayəndə heyətinin Azərbaycana səfərini yüksək qiymətləndirən dövlətimizin başçısı iqtisadi sahənin ikitərəfli münasibətlərimizdə həmişə mühüm rol oynadığını deyərək bunu əlaqələrimizin yaxşı göstəricisi kimi dəyərləndirdi. Prezident İlham Əliyev keçən il Berlinə səfəri zamanı Almaniya kansleri ilə görüşündə əlaqələrimizin geniş gündəliyinə daxil olan məsələlərinin, o cümlədən iqtisadi əməkdaşlıq məsələlərinin müzakirə olunduğunu qeyd etdi.
             
Dövlətimizin başçısı bu gün ikili standartların bir sıra beynəlxalq institutlar, o cümlədən Avropa İttifaqı üçün adi hala çevrilməsindən təəssüfləndiyini bildirərək.  Cozef Borrelin qeyri-adekvat bəyanatlarının əslində sülh prosesinə əngəl törətdiyini xatırladıb. Çünki onun səsləndirdiyi bəyanatlar reallığı əks etdirmir və ancaq Fransa prezidenti Makronun xəyallarından ibarətdir. ”Beynəlxalq hüquq normaları bizim tərəfimizdədir” – deyən Prezident İlham Əliyev vurğuladı ki, ölkəmizin öz suverenliyi və ərazi bütövlüyünü təmin etməsi ilə bağlı bizi hər hansı günahlandırma cəhdləri tamamilə əsassız və qərəzlidir. Azərbaycan öz ərazisini və suverenliyini təmin etməklə bağlı digər ölkələrin atdığı addımlardan fərqli addımlar atmır. Borrelin söylədiyi absurd fikirlərin əksinə olaraq Azərbaycanın Ermənistana qarşı hər hansı hücum planının olmadığını qeyd edən ölkə başçısı əslində Avropanın bəzi siyasətçilərinə ciddi mesaj verdi və təhdidlərin mənasız olduğunu bildirdi.
             
Prezident İlham Əliyev Azərbaycan sülh prosesinə sadiq qaldığını, ölkəmizin  ikinci Qarabağ müharibəsi başa çatdıqdan sonra sülh danışıqları təşəbbüsü ilə çıxış etdiyini diqqətə çatdıraraq sülh layihəsinin mətninin də hazırlandığını bildirdi: “Beləliklə, biz əgər sülh istəmiriksə niyə bunların hamısını hazırlamışıq?!”
Ərazilərimizi 30 il işğal altında saxlayan, 1 milyon soydaşımızı qaçqına çevirən  
               
Ermənistan Xocalı soyqırımını törədəndə də Avropa susurdu. Onda insan haqları da, dövlətlərin ərazi bütövlüyü də yaddan çıxmışdı. Elə ki Azərbaycan öz ərazi bütövlüyünü bərpa etdi  Makron, Borrel kimi insanlar isə bizi  suçlamağa başladılar.
             
Ölkəmizin başçısı ikili standartlara nümunə olaraq bildirdi: “Ukraynanı götürək: Ukrayna öz ərazi bütövlüyünü bərpa etmək istəyir. Almaniya və digər ölkələr Ukraynaya silahlar göndərir. Siz hamınız bəyan edirsiniz ki, Ukrayna öz ərazi bütövlüyünü təmin etməlidir. Bəs bizim ərazi bütövlüyümüz?! Məgər, bu məsələ Ukrayna məsələsindən daha az önəmlidir?”
             
Cənab Prezidentin sərrast və birbaşa hədəfə yönəlmiş fikirləri Avropa siyasilərinə açıq və net mesajlar idi.
             
Azərbaycan müstəqil xarici siyasət yürüdür, onunla təhdid dilində danışmaq mənasızdır. Cənubi Qafqazda müəyyən mövqe qazanmaq istəyən istənilən ölkə bu regionun aparıcı dövləti olan Azərbaycanla əməkdaşlıq etməlidir.



Rusif Kərimov,
Viləşçay Su Anbarı İstismarı İdarəsinin rəisi



"Yeni həyat" qəzeti,
www.yeniheyet.az
шаблоны для dle 11.2