Azərbaycan ordusu Azərbaycan Respublikasının ərazi bütövlüyünü tam bərpa etdi
- 28-09-2024, 08:59
- Maraqlı
- 0
- 35
27 sentyabr 2020-ci il.Bu tarix Aazərbaycan tarixinə qızıl hərflərlə yazıldı.Bu tarix bizim düşmən üzərində şanlı qələbimizin başlanğıc tarixi oldu.Azərbaycan Ordusu 44-gün ərzində düşmən ordusunu məhv edərək öz ərazi bütövlüyünü bərpa etdi və ədalət bərpa olundu.
Bu gün Azərbaycan xalqı müzəffər xalq kimi yaşayır.Dövlətimiz qalib dövlət kimi tanınır.
44 günlük Vətən müharibəsinin hər bir günü, bəlkə də, hər birimiz üçün bir il qədər gərgin və həyəcanlı keçdi.Çünki Azərbaycan xalqının adına yazılmış ləkəni Azərbaycanın mərd, qəhərəman oğulları döyüş meydanında qanı, canı bahasına təmizləyirdi.Mərd oğullarımız bu ləkəni adımızdan da, alnımızdan da, ləyaqətimizdən də yuyaraq apardılar.Bu üzüağlığı bizə yaşadan hər bir Azərbaycan oğluna, onu dünyaya gətirən anaya eşq olsun!
27 sentyabrda başlanan Vətən müharibəsində cəbhəboyu yerləşən ərazilərimizlə yanaşı,təmas xəttindən xeyli uzaqda yerləşən ərazilərimiz və onların dinc sakinləri hətta azyaşlı uşaqlar belə erməni separatçılarının qanunsuz atılan silahlarının qurbanına çevrildilər.Bütün bu təxribatlar cavabsız qalmadı.Azərbaycan Silahlı Qüvvələrinin hərbi qulluqçuları düşmənə lazımı cavabı verdi.Bütün cəbhə boyu əks- hücuma keçən Azərbaycan ordusu 30 ilə yaxın düşmən işğalında olan torpaqları azad etməyə başladı.
Vətən müharibəsində Azərbaycan sarsılmaz birlik nümayiş etdirdi.Xalq öz Prezidentinin ətrafında sıx birləşərək “Dəmir yumruq” əməliyyatını uğurla həyata keçirdi.
44 gün davam edən Vətən müharibəsi şanlı Azərbaycan Ordusunun gücünü dünyaya sübut etdi.Xüsusən də, Şuşanın azad edilməsi qələbənin ən parlaq nümunəsi oldu.Çətin relyefə malik olan Şuşanın işğaldan azad edilməsi bir daha ordumuzun əzmkarlığını,dözmünü nümayiş etdirdi.
44 günlük Vətən müharibəsində qəhərmancasına döyüşmüş, üçrəngli Azərbaycan bayrağını işğaldan azad edilən torpaqlarımızda dalğalandırmış, Azərbaycanın ərazi bütövlüyü yolunda canından keşmiş əsgər və zabitlərimizə, eləcə də bütün şəhidlərimizə dərin ehtiram əlaməti olaraq Prezident İlham Əliyev 27 sentyabr-Vətən müharibəsinin başladığı günün Azərbaycan Respublikasında Anım Günü kimi qeyd olunması ilə bağlı Sərəncam imzaladı.Bu Sərəncam bütün şəhid ruhlarına və şəhid ailələrinə ən böyük ehtiramın göstəricisi idi.Lakin 2023-cü il sentyabrın 19-dan 20-nə keçən gecə erməni terrorçuları genişmiqyaslı təxribat törətdilər.Bu təxribatın qarşısının alınması üçün ordumuza cəmi 23 saat kifayət etdi ki, Azərbaycan ordusu Azərbaycan Respublikasının ərazi bütövlüyünü tam bərpa etsin.
Bu gün Azərbaycan öz suverenliyini bərpa etmi dövlət kimi dünyada tanındı.Möhtərəm Prezidentimiz İlham Əliyevin 2024-cü il sentyabrın 19-da imzaladığı Sərəncama əsasən hər il sentyabrın 20-si respublikamızda Dövlət Suverenliyi Günü kimi qeyd ediləcək.Bu tarix xalqımız üçün yadda qalan günlərdən biri olacaq.
Artıq şanlı qələbəmizdən dörd il ötür.İşğaldan azad edilmiş torpaqlarda quruculuq işləri aparılmış, bir çox layihələr həyata keçirilmişdir.Bir çox ailələr öz doğma torpaqlarına geri dönərək yaşamağa başlamışlar. Qarabağ Universiteti öz qoynunu tələbələrinə sevinə-sevinə açmışdır.Universitetin bərpadan sonra açılışında çıxış edərək qeyd etmişdir ki, Universitetin məhz 20 sentyabrda tələbələri qəbul etməsi çox əlamətdar bir günə təsadüf edir.Bütün bunları xalqımıza yaşadan hər şəhidin ruhu, qazilərimizin, hər bir müharibə iştirakçısının qarşısında baş əyirik.
Yaşasın Azərbaycan əsgəri və onun Ali Baş Komandanı!
Ş.Xəlilova
Masallı rayon, S.Xəlilov adına Qızılağac kənd 1 nömrəli tam orta məktəbin müəllimi
