Masallının Qızılağac ərazisində şəhid məzarları rayon rəhbəri tərəfindən ziyarət olundu
Masallı rayon İcra Hakimiyyətinin Başçısının tapşırığına uyğun olaraq rayon ərazisində şəhidlər, şəhid ailələri, müharibə əlilləri və iştirakçıları daim diqqətdə saxlanılır, onların qayğıları ilə mütəmadi maraqlanılmaqla yaranmış çətinliklərin aradan qaldırılması istiqamətində mühim adımlar atılır.
Bütün qeyd olunanlara nümunə olaraq 13 mart 2025-ci il tarixdə rayon rəhbərinin rayonun Qızılağac ərazisində keçirdiyi vətəndaş qəbulundan dərhal sonra Masallı Rayon İcra Hakimiyyətinin Başçısı Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadiyev, ərazi nümayəndəliyi, bələdiyyə, şəhid ailələri, din xadimləri və vətəndaşların iştirakı ilə ərazidə olan şəhidlərin məzarını ziyarət edilmiş, qəbirüstü abidələri önünə tər qərənfillər düzülərək şəhidlərin ruhunu ehtiramla yad etmişlər.
Ərazidə dəfn olunmuş bütün şəhid məzarları önündə Masallı Rayon İcra Hakimiyyəti başçısının rəhbərliyi, din xadimləri şəhid ailələri və sakinlərin iştirakı ilə dualar oxunmuşdur.
