Müəllimlər Günü münasibətilə tədbir - Masallıda
- 4-10-2023, 10:20
- Təhsil
- 0
- 280
Oktyabrın 3-də Masallıda Beynəlxalq Müəllimlər Günü münasibətilə tədbir keçirilib.
Masallı Qadın Resurs Mərkəzinin və Masallı Dövlət Regional Kollecinin təşkilatçılığı ilə ərsəyə gələn tədbirdə adı çəkilən qurumların əməkdaşları, təhsil, mədəniyyət, tibb sahəsində çalışan qadınlar iştirak ediblər.
Əvvəlcə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad olunub. Tədbiri giriş sözü ilə açan Masallı Qadın Resurs Mərkəzinin direktoru Nərgiz Muxtarova iştirakçıları əlamətdar gün münasibətilə təbrik edib, onlara çalışdıqları sahə üzrə fəaliyyətlərində uğurlar arzulayıb.
Tədbir iştirakçıları tərəfindən “Müəllim kimdir”, “Gender əsaslı zorakılığın aradan qaldırılmasında müəllimlərin rolu” mövzusunda qrup işləri aparılıb.
Çay süfrəsi arxasında davam edən tədbir maraqlı, işgüzar müzakirələrlə yadda qalıb.
Akif AĞAYEV
"Yeni həyat" qəzeti,
www.yeniheyet.az
