Il Qarabağ müharibəsi iştirakçısı Tural Nəbiyev ziyarət olundu.
- 8-06-2023, 19:30
- Maraqlı
- 0
- 307
08 iyun 2023-cü il tarixində “Vətənpərvərlik klubu” çərçivəsində “Masallı Gənclər Evi” sosial xidmət müəssisəsinin kollektivi Il Qarabağ müharibəsi iştirakçısı Nəbiyev Tural Nəbi oğlunu ziyarət ediblər. Ziyarət zamanı qəhrəmanımızın keçdiyi şərəfli döyüş yoldan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bizimlə bölüşüb.
Nəbiyev Tural Nəbi oğlu 26 avqust 1997-ci il tarixində Masallı şəhərində anadan olmuş, 2003-2014-ci illərdə təhsil almış, 2015-2017-ci illərdə çağırışçı kimi hərbi xidmətə yollanıb, Həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. Qəhrəmanımız Qubadlı rayonunun azadlığı uğrunda gedən döyüşdə yaralanmışdır.
Azərbaycan Respublikasının Prezidenti cənab İlham Əliyevin sərəncamına əsasən Nəbiyev Tural Nəbi oğlu “Cəbrayılın azad olunmasına görə”, “Qubadlının azad olunmasına görə”, “Kəlbəcərin azad olunmasına görə” və “Vətən müharibəsi iştirakçısı”
medalları ilə təltif olunmuşdur.
“Yeni həyat” qəzeti
www.yeniheyet.az
