Replika

Gün altında qalan qidalar...
Yay aylarında antisanitariya halları daha çox özünü göstərir. Belə hallar isə hamının gözü qarşısında baş verir. Gözümüz isə hələ gördüyünə laqeydlik göstərir: mən görsəm də harayım heç kimə çatmır.

Burada deyirlər ki, çax-çax baş ağrıdar, dəyirman bildiyin edir. Çünki biz bu mövzunu tez-tez hallandırırıq. Xüsusilə ət və ət məhsullarının – mal, qoyun, cücə ətinin gün altında saxlanıb satanlar məsuliyyət hiss etmirlər.

Rayonun hansı kəndinə getsən yol boyu  açıq havada ət məhsullarının satışını görəcəksiniz.   Çox yerdə reklam üçün köşklər qurulduğu halda, matahlarını açıq havada asanlar da var. Yolun beş metrlik kənarında qoyulan bu ətə toz-torpaq, maşınların tüstüsü dəyir ki, bu da yolverilməzdir. Yol kənarlarında gün altında stolların üstünə qoyulub satılan kəsilmiş toyuq ətini demirik. Bu mənzərəni görsəniz lap hövsələniz daralacaq.
Dünyanın, təbiətin, atmosferin indiki halında belə məsuliyyətsizliyə yol vermək olmaz. Əlaqədar təşkilatlar belə vəziyyətə nəzarət edib tədbirlər görməlidirlər.



“Yeni həyat” qəzeti
www.yeniheyet.az
 шаблоны для dle 11.2