MASALLIDA VƏTƏNDAŞ MÜRACİƏTLƏRİ CİDDİ QİQQƏT MƏRKƏZİNDƏ SAXLANILIR
- 31-08-2023, 18:43
- Maraqlı
- 0
- 259
Masallı rayon rəhbərinin tapşırığına əsasən Xırmandalı kəndində vətəndaşlarla görüş keçirilmişdir. Görüşdə kənd ağsaqqalları, ziyalılar, fermerlər iştirak edərək Masallı rayonunda abadlıq — quruculuq işlərinin sürətlə aparılması və inkişafı barəsində söhbətlər aparmışdır. Bu quruculuq işləri Xırmandalı kəndindən də yan keçməmişdir. Kənddə torpaqlardan düzgün istifadə nətisində tərəvəz və bostan bitkiləri əkini xeyli genişləndirilmiş, bir neçə məhəlləyə gedən yollar abadlaşdırılmışdır.
Xırmandalı kənd Ərazi Vahidi üzrə nümayəndəsi Məhəmməd Yusifov bildirmişdir ki, səyyar yığıncaq iştirakçıları Masallı RİH başçısının qayğısı nəticəsində ərazidə su probleminin həll edilməsi xüsusilə qeyd edilmişdir. Göstərilmişdir ki, son vaxtlar rabitə xətlərində yaranan nöqsanlar bu gün də davam etməkdədir. Göstərilmişdir ki, bu problem tezliklə həllini tapmalıdır.
Sonda kənd sakinləri adından ölkə Prezidentinə və rayon rəhbərliyinə ucqar kəndlərə göstərilən diqqət və qayğıya görə minnətdarlıqlarını bildirmişlər.
"Yeni həyat" qəzeti,
www.yeniheyet.az
