Tarixi zərurət və xalqın istəyi

1993-cü il 3 oktyabr ölkəmizdə müstəqilliyin, sabitliyin və davamlı inkişafın təməlinin qoyulduğu gündür. Həmin gün Ümummilli Lider Heydər Əliyevin prezident seçilməsi dövlətçiliyimizi xilas etdi. Bəli, 3 oktyabr 1993-cü il dövlətçiliyimiz tarixində şanlı hərflərlə yazılan gündür. Həmin gün ölkəmizdə keçirilən prezident seçkilərində Heydər Əliyev xalqımızın böyük əksəriyyətinin etimadını qazandı. Oktyabrın 3-də prezident seçilən, bir həftədən sonra dövlət başçısı kimi and içən Ulu Öndər Heydər Əliyev ilk növbədə ölkədə daxili ictimai-siyasi sabitliyin bərqərar olunmasına başladı.                  
 Ümummilli Lider andiçmə mərasimindəki nitqində deyib: “Bu gün mənim üçün tarixi, əlamətdar bir gündür. Mənə göstərilən bu böyük etimada görə Azərbaycan vətəndaşlarına, Azərbaycan xalqına hörmətimi, məhəbbətimi bildirir və əmin etmək istəyirəm ki, həyatımın sonuna qədər xalqıma sədaqətlə xidmət edəcək və bütün fəaliyyətimi Azərbaycan Respublikasının gələcək inkişafına sərf edəcəyəm.”  Xaos və anarxiya yaradan, istənilən anda istənilən yerdə özbaşınalıq edən silahlı birləşmələr ləğv edildi. Ordu vahid rəhbərlik altında birləşdirildi. Əhalinin ərzaq təhlükəsizliyinin təmin edilməsi istiqamətində mühüm tədbirlər həyata keçirildi. Heydər Əliyevin diplomatik bacarığı, beynəlxalq dairələrdəki hörməti Azərbaycanın tez bir zamanda dünya birliyinə inteqrasiyasını təmin etmişdir. Həmin vaxt Azərbaycan torpaqlarının Ermənistan tərəfindən işğal olunması faktını beynəlxalq təşkilatların siyasi gündəliyinə gətirilməsinə nail olmaq Ulu Öndərin böyük xidmətidir. “Mən fəxr edirəm ki, Azərbaycanlıyam” deyən Heydər Əliyev hər bir Azərbaycanlının öz milli mənsubiyyətinə görə qürur hissi keçirməli olduğunu xalqa aşılamışdır. Ümummilli lider Heydər Əliyev Azərbaycan dövlətini yaradanda onun təməllərini elə möhkəm qoyub və onu  elə layiqli davamçıya təhvil verib ki, Azərbaycanın gücü-qüdrəti gündən-günə artır. İkinci Qarabağ Müharibəsi ilə bizə tarixi Zəfər yaşadan Ali Baş Komandanımız  İ.Əliyev Qarabağda həyata keçirdiyi antiterror tədbirləri nəticəsində separatçıların təslim olmasına nail olaraq  ölkəmizə növbəti tarixi Qələbəni bəxş etmişdir.  Erməni silahlı qüvvələrinin torpaqlarımızdan  çıxarılması, qondarma rejimin ləğv olunması ilə Azərbaycanın suverənliyi tam bərpa olunmuşdur. Bəli, Heydər Əliyev dühasının işığı hər birimizin həyatına mayakdır.Mən həyatımın hər bir anında Ulu Öndərin ideyalarının işığına bələnmişəm.
           
03 oktyabr 1993-cü il. Bu tarix hər bir Azərbaycan vətəndaşının həyatında böyük önəm daşıyır. Xalqın tələbi ilə hakimiyyətə gələn Ulu Öndər Vətəni xilas etdi. Məhz bu tarixdə xalqımız öz gələcəyini qartal gözlü,parlaq zəkalı,ürəyində daim Allah məhəbbəti olan Ulu Öndər Heydər Əliyevə etibar etmişdir. Müasir Azərbaycanımızın uğurları məhz həmin tarixdən başlanır. H.Əliyev Azərbaycan xalqının bağrından qopan bir sal qaya parçası kimi tufanlara sinə gərdi, Azərbaycana uzanan qara əlləri kəsdi, düşmənin arzusunu gözündə qoydu, xalqın ümidlərini doğrultdu. Ölkədə vətəndaş müharibəsi başlanan dövrdə bütün ümidlər Heydər Əliyevin dühası ilə bağlı idi. 1993-cü ildə keçirilmiş prezident seçkilərində Yeni Azərbaycan Partiyasının lideri H.Əliyev 98,84 faiz səslə bu seçkidə böyük üstünlüklə qalib gəlmişdir. Bu böyük nəticə YAP-ın inkişafında yeni bir mərhələnin başlanğıcı oldu. Həmin gün mən iki sevinci birdən yaşadım. Universitet məzunu olaraq Ulu Öndərin ən şərəfli peşə hesab etdiyi müəllimlik fəaliyyətinə məhz elə dahi liderin ölkə başçısı olduğu bir dönəmdə başladım. Bu,çox gözəl bir duyğu idi.

O gündən bu günə Azərbaycan yanlız və yanlız tərəqqi edir,günbəgün gözəlləşir,inkişaf yolu ilə gedir. Bu gün Azərbaycan dünyanın inkişaf etmiş ölkələrindən biridir. Prezident İlham Əliyev öz ustadının, öz sələfinin yolunu dönmədən davam etdirir. Heydər Əliyev yaşayır, onun göstərişləri bizə qüvvət verir. Millətin məhəbbətini qazanmış Ümummilli Lider Heydər Əliyev Azərbaycan xalqının yaddaşında qurucu və xilaskar dövlət xadimi kimi əbədi yaşayacaqdır.
             
Xalqın işıqlı və parlaq gələcəyi İlham Əliyevlə daha nurludur.Qələbə hər zaman bizimlədir və bizə qələbə sevincini yaşadan Ulu Öndərin layiqli davamçısı Ali Baş Komandanımıza eşq olsun ! Qarabağ Azərbaycandır! Dəmir yumruq yerindədir!

                   
       
Şahbazova Məhbubə,
Boradigah qəsəbə İ. Nağıyev adına 2 nömrəli tam orta məktəbin direktoru


"Yeni həyat" qəzeti,
www.yeniheyet.azшаблоны для dle 11.2