Masallıda “Zəfərə zəfər qatan şəhidlərimiz” mövzusunda tədbir
19-09-2024, 18:11. Разместил: admin44
Masallı rayon Tarix-Diyarşünaslıq Muzeyində Muzeyin, Masallı Rayon İcra Hakimiyyəti başçısı aparatının, Heydər Əliyev Mərkəzi və Mərkəzi Kitabxananın birgə təşkilatçılığı ilə 19 sentyabr- Antiterror əməliyyatının ildönümü ilə əlaqədar “Zəfərə zəfər qatan şəhidlərimiz” adlı tədbir keçirilib.
Tədbirdə təşkilatçı müəssisələrin,rayon Statistika İdarəsi, Gigiyena və Epidemiologiya Mərkəzinin əməkdaşları, şəhid ailələri və qazilər iştirak ediblər.
Tədbirə başlamazdan öncə Qarabağ savaşında və antiterror əməliyyatında rəşadətlə döyüşərək ərazi bütövlüyümüz uğrunda canlarını fəda edən şəhidlərimizin xatirəsi bir dəqiqəlik anılıb.
Tədbirdə ilk çıxış edən Muzeyin direktoru Əntiqə Tağıyeva bildirib ki, 19-20 sentyabr 2023-cü il tarixlərində cəmi 23 saat davam edən antiterror əməliyyatı nəticəsində Xankəndi və ətrafındakı Ermənistan ordusunun müqaviməti qırıldı və ölkə ərazisini tərk etməyə məcbur oldu. O, çıxışında vurğulayıb ki, ordumuzun düşmən üzərində inamlı qələbəsi Ermənistanın Azərbaycan qarşısında 8 noyabr tarixi Zəfərindən sonra ikinci kapitulyasiya aktı idi.
Masallı RİH başçısı aparatının ictimai-siyasi və humanitar məsələlər şöbəsinin baş məsləhətçisi Nigar Kərimova, Lənkəran-Astara Regional Mədəniyyət İdarəsi Masallı rayon üzrə nümayəndəsi Salman Yunuslu, Dini Qurumlar üzrə Dövlət Komitəsinin Masallı bölgəsi üzrə şöbə müdiri Elvin Hüseynli, antiterror şəhidi baş leytenant Şəmistan Yusiflinin atası Şükran Yusifli Müzəffər Ali Baş Komandan İlham Əliyevin rəhbərliyilə 19 sentyabr 2023-cü il antiterror əməliyyatında erməni separatçıları üzərində qazanılan sarsıdıcı qələbənin dövlətçilik tariximiz və milli qəhrəmanlıq salnaməsində ən önəmli hadisələrdən biri olduğunu diqqətə çatdırıblar.
Çıxışlarda Azərbaycan torpaqlarının işğaldan azad olunmasında ölkə başçısının ağıllı və məqsədyönlü siyasəti, əsgər və zabitlərimizin yüksək döyüş ruhu, dövlətlə vətəndaş arasında mövcud olan sarsılmaz birliyin həlledici amillər olduğu qeyd olunub.
Tədbirin yekununda Mərkəzi Kitabxananın əməkdaşı Gülər Piriyeva və Heydər Əliyev Mərkəzinin direktoru Dilbər İbayeva 19 sentyabr antiterror əməliyyatının tarixi və siyasi əhəmiyyətindən bəhs edən məruzə ilə çıxış ediblər.
Вернуться назад