Ordu quruculuğu siyasətinın davam etdirilməsi

Bir zaman ümummilli liderimiz Heydər Əliyev qeyd edirdi ki, ordu quruculuğunu inkişaf etdirmək üçün cəmiyyətdə tutduğu mövqeyindən, mənsubiyyətindən asılı olmayaraq hər kəs əlbir fəaliyyət göstərməlidir. Doğrudan da, cəmiyyətin əsas tərkib hissəsi olan və milli maraqlar baxımından xüsusi əhəmiyyət kəsb edən Silahlı Qövvələrin hərbi qüdrətinin artırılmasında hər bir ölkə vətəndaşı üzərinə düşən məsuliyyəti hiss etməlidir.

Əgər ordu dövlət müstəqilliyinin və ölkənin ərazi bütövlüyünün əsas qarantı hesab edilirsə, onda bu sahəyə böyük diqqət yönəldilməlidir. Ümumiyyətlə, ordu hər bir dövlətin əsas atributu və təhlükəsizlik sisteminin əsasıdır. Hazırda dünyada ordusu olmayan dövlət yoxdur. Hər bir xalq öz ordusunu inkişaf etdirmək və ölkəsinin müdafiə qabiliyyətini göcləndirmək üçün əzmlə çalışır. Son illər ərzində ölkəmizdə ordu və cəmiyyət əlaqələri xeyli güclənib, görkəmli elm və sənət xadimləri, tanınmış ictimaiyyət nümayəndələri vaxtaşırı hərbi hissələrdə olur, əsgər və zabitlərimizlə, gənc kursantlarla dəyərli görüşlər keçirirlər. Burada müxtəlif döyüş texnikaları ilə keçirilən məşğələlərə cavabdeh olan təcrübəli zabitlər hərbi texnikaların xüsusiyyətləri və müharibə meydanında əhəmiyyətli rolu barədə ətraflı açıqlama verilir.

Piyada döyüş maşını, hava hücumundan müdafiəni təmin edən zenit-raket qurğuları, tank əleyhinə özüidarəolunan qurğu və digər hərbi texnikalar, həmçinin onların heyət tərkibi və hər bir heyət nəfərinin üzərinə düşən vəzifələr barədə verilən geniş məlumat qonaqların və mətbuat nümayəndələrinin diqqətinə çatdırılır. Hərbi formalı insanlar ən vacib, müqəddəs bir peşənin sahibləridir. Onların üzərinə Vətənimizi və dövlət müstəqilliyimizi qorumaq kimi taleyüklü vəzifə düşür. Bu gün hər birimiz fəxr edirik ki, Ulu öndərimiz tərəfindən bünövrəsi qoyulmuş ordu quruculuğu siyasəti hazırda təcrübəli siyasi lider olan Azərbaycan Prezidenti, Ali Baş Komandanımız İlham Əliyev tərəfindən konseptual şəkildə davam etdirilir. Yaşadığımız son 10 illik zaman çərçivəsinə nəzər yetirəndə başa düşürük ki, ölkənin bütün həyatında özünü göstərən geniş quruculuq işləri ordu sahəsini də əhatə edib. Ötən dövrlərlə müqayisədə ölkəmizin xarici  əlaqələri də xeyli inkişaf edib. Vaxt vardı hansı xarici ölkədə "Azərbaycan" kəlməsini işlədirdinsə, bizə xəritə verirdilər ki, bu ölkəni göstərin. Amma indi vəziyyət tam fərqlidir. Dünyanın hansı bir yerində ölkəmizin adı çəkilirsə, müstəqil və mütərəqqi Azərbaycanı yaxşı tanıyırlar. İndi Azərbaycanın sorağı mötəbər beynəlxalq tribunalardan eşidilir. BMT kimi nüfuzlu bir təşkilatın üzvü olan ölkəmiz mühüm iqtisadi layihələrin fəal iştirakçısına çevrilib. Əbəs yerə demirlər ki, 21-ci əsr böyük Türk dünyasının əsridir.






Fərid Əyyubzadə,
Banbaşı kəndi
шаблоны для dle 11.2