Xankəndidə Qarabağ Universitetinin açılışı

20 sentyabr  2024-cü ildə Xankəndidə Qarabağ Universitetinin açılışı müasir Azərbaycan tarixində, ölkəmizin təhsil sistemində mühüm hadisədir. Bu münasibətilə Prezident cənab İlham Əliyev Qarabağ Universitetində çıxışında olduqca vacib mesajlar verdi. Ölkəmizin başçısı bir il bundan əvvəl qəhrəman Azərbaycan Ordusu tərəfindən Azərbaycanın dövlət suverenliyinin, konstitusiya quruluşunun bərqərar edildiyini vurğuladı.
Universitetinin yaradılması ilə bağlı müvafiq Sərəncam keçən ilin noyabrında imzalanmışdı. Sevindirici haldır ki, universitetin artıq ölkəmizin bir çox bölgələrdən olan 1200 tələbəsi vardır. Qarabağ Azərbaycan xalqının tarixinə böyük mütəfəkkirləri, ədibləri, ədəbiyyatşünasları, filosofları, yazıçıları və digər tanınmış şəxsləri ilə töhfələr verib. Bu baxımdan Qarabağ Universitetinin yaradılması ilə bu ənənələrimiz yenidən bərpa ediləcək. Yenidən dağıdılmış, Ermənistan tərəfindən az qala məhv edilmiş irsimiz çiçəklənəcək.

 Azərbaycan Respublikasının Prezidenti cənab İlham Əliyev sentyabr ayının 20-də Qarabağ Universitetinin açılışında çıxış etdi: “Bu gün Qarabağda, azad Qarabağda olmaq, sizi görmək, yataqxanada, o balkonda tələbələrin gülər üzlərini görmək doğrudan da böyük xoşbəxtlikdir. Bəlkə də bundan böyük xoşbəxtlik ola bilməz. Müəllimlərə tələbələrə uğurlar arzulayıram. Yaxşı işləyin, yaxçı oxuyun ki, hər zaman Azərbaycan zəfər çalsın, hər zaman - əgər lazım olarsa, həm döyüş meydanında, həm iqtisadi sahədə, həm siyasi müstəvidə, hər bir yerdə Azərbaycan həmişə zirvədə olsun! Sizi təbrik edirəm”.
 
Dövlət başçısı eyni zamanda qeyd etdi ki, “Əgər 1993-cü ildə xalqın tələbi ilə Ulu Öndər Azərbaycana gəlməsəydi, Azərbaycan, ümumiyyətlə, dünya xəritəsindən silinə bilərdi. Sabitlik yaradıldı, inkişafa qədəm qoyuldu və quruculuq işlərinə başlandı. Quruculuq və inkişaf işlərinin məntiqi nəticəsi kimi 8 Noyabr - Zəfər Günümüzdür, Şuşanın azad olunması, Ermənistanın kapitulyasiyası və ondan sonrakı tarix artıq hər kəsin gözünün qabağındadır. Əgər 2020-ci ilin noyabrından 2023-cü ilin sentyabrına qədər bizim bütün addımlarımızı və gördüyümüz işləri təhlil etsəniz görərsiniz ki, hər bir addım əvvəlki addımın məntiqi davamı idi və hər bir addımın son məqsədi 20 Sentyabr - Dövlət Suverenliyi Günü idi.”




Cəlal Əliyev,
YAP Masallı Rayon Təşkilatının əməkdaşıшаблоны для dle 11.2