Şəhid Musa Mustafayevin şəhadətinin 5-ci ildönümü anıldı

07 oktyabr 2025-ci il tarixində Masallı rayonunun Xoşçobanlı kəndində şəhid Mustafayev Musa Əlövsət oğlunun şəhadətinin 5-ci ildönümü anılmışdır.

Şəhid Musa Muxtafayevin şəhadətə yüksəlməyinin 5-ci ildönümü ilə əlaqədar Masallı Rayon İcra Hakimiyyəti başçısının tapşırığına əsasən Masallı Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, aparatın İnformasiya təminatı və təhlil sektorunun müdiri Nəsib Bağırov, ərazi nümayəndəliyi, bələdiyyə, din xadimləri və şəhid ailələri birlikdə şəhidin məzarını ziyarət etmiş, ruhuna dualar oxumuşlar.

Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə, Birinci vitse-Prezident Mehriban xanım Əliyevaya və rayon rəhbərliyinə minnətdarlıqlarını ifadə ediblər.