Masallıda lokal antiterror əməliyyatları zamanı şəhid olmuş qəhrəmanlar anıldı
19 sentyabr 2024-cü il tarixdə 2023-cü ilin 19-20 sentyabr tarixlərində aparılan lokal antiterror əməliyyatları zamanı Masallı rayonundan qəhrəmanlıq göstərərək həlak olmuş şəhidlərin xatirəsi anılmışdır.
Mərasimlərdə Masallı Rayon İcra Hakimiyyətinin Başçısı Araz Əhmədov, hüquq-mühafizə orqanlarının rəhbərləri, din xadimləri, şəhid ailələri və ictimaiyyət nümayəndələri iştirak etmişdir.
Belə ki, rayon ərazisində ümumilikdə 6 şəhid məzarı ziyarət olunmuş, şəhidlərin məzarları üzrəni tər qərənfillər düzülərək onların xatirəsi dərin hüznlə yad edilmiş və ruhlarına dualar oxunmuşdur.
Tədbirdə çıxış edən Masallı Rayon İcra Hakimiyyətinin Başçısı Araz Əhmədov lokal antiterror əməliyyatlarının başlamasından bir il ötdüyünü vurğulamış, bu əməliyyatların, Cənab Prezident İlham Əliyevin dediyi kimi, separatçı qüvvələrin Azərbaycanın azad olunmuş torpaqlarından tamamilə təmizlənməsi üçün vacib olduğunu qeyd etmişdir. Şəhidlərin fədakarlığının Azərbaycanın müstəqilliyi və ərazi bütövlüyünün təmin edilməsində böyük töhfə olduğunu bildirərək qeyd edən rayon rəhbəri rayonumuzun bu əməliyyatlar zamanı 8 şəhid verdiyini bildirmiş və onlardan 6-nın rayon ərazisində və 2-nin isə Bakı şəhərində II Fəxri Xiyabanda dəfn edildiyini vurğulamışdır.
Şəhid ailələri anım günündə şəhid adının uca tutulduğunu qeyd edərək Azərbaycan Respublikasının Prezidenti, Ali Baş Komandan Cənab İlham Əliyevə, Birinci vitse-Prezident Mehriban xanım Əliyevaya, Masallı Rayon İcra Hakimiyyətinə və qonaqlara minnətdarlıqlarını ifadə etmişlər.
2023-cü ilin 19-20 sentyabr tarixlərində aparılan lokal antiterror əməliyyatları zamanı Masallı rayonundan qəhrəmanlıq göstərərək həlak olmuş şəhidlərin adlı siyahısı.
1. Şəhid Məmmədov Ramil Habil oğlu 18.10.2004-cü il tarixdə Masallı rayonunun Allahyarlı kəndində anadan olmuşdur. 2022-ci ilin oktyabr ayında müddətli hərbi xidmətə çağırılmışdır. 22.09.2023-cü il tarixdə Allahyarlı kəndində dəfn olunmuşdur. Subay idi.
2. Şəhid Mirzəyev Sənan Vüqar oğlu 29.12.2004-cü il tarixdə Masallı şəhərində anadan olmuşdur. 2023-cü ilin yanvar ayında müddətli hərbi xidmətə çağırılmışdır. 20.09.2023-cü il tarixdə Masallı şəhərində dəfn olunmuşdur. Subay idi.
3. Şəhid Əhədov Eltac Əjdər oğlu 04.08.2004-cü ildə Masallı rayonunun Təzə Alvadı kəndində anadan olub. 2022-ci ilin oktyabr ayında müddətli həqəqi hərbi xidmətə çağırılmışdır. Atası və anası ayrılıb, evin tək övladı idi. 25.09.2023-cü il tarixdə Təzə Alvadı kəndində dəfn olunmuşdur. Subay idi. Şəhid Çaxırlı kənd qeydiyyatında olub.
4. Şəhid Abbasov Mehti Əmrah oğlu 04.07.2004-cü il tarixdə Masallı rayonunun Sığıncaq kəndində anadan olmuşdur. 2022-ci ilin iyul ayında müddətli hərbi xidmətə çağırılmışdır. 21.09.2023-cü il tarixdə Allahyarlı kəndində dəfn olunmuşdur Subay idi.
5. Şəhid Yusifli Şəmistan Şükran oğlu 16.011998-ci il tarixdə Masallı rayonunun Xırmandalı kəndində anadan olmuşdur. Şəhid Müdafiə Nazirliyinin Baş leytenantı olub. 20.09.2023-cü il tarixdə Xırmandalı kəndində dəfn edilmişdir. Subay idi 4 bacısı var.
6. Şəhid Babayev Sahil Sarıbala oğlu 21.03.1992-ci il tarixdə Masallı rayonunun Ərəb kəndində anadan olub. 2014-cü il tarixdən Daxili Qoşunlarında MAXE kimi fəaliyyət göstərmişdir. 21.09.2023-cü il tarixdə Ərəb kəndində dəfn edilmişdir. Ailəlidir, 2 oğlan 1 qız övladı vardır. (böyük oğlunun 9 yaşı, kiçik oğlunun 6 yaşı qızının isə 4 yaşı var).
7. Şəhid Həmidli Mikayıl Vüqar oğlu 28.12.1998-ci ildə anadan olub. Şəhid Müdafiə Nazirliyinin leytenantı olub. 20.09.2023-cü il tarixdə II Fəxri xiyabanda dəfn edilmişdir.
8. Şəhid İsayev İsmayıl Çərkəz oğlu 24.04.2000-ci ildə Masallı rayonunun Sığdaş kəndində anadan olmuşdur. Şəhid Müdafiə Nazirliyinin leytenantı olub. 20.09.2023-cü il tarixdə II Fəxri xiyabanda dəfn edilmişdir.
"Yeni həyat" qəzeti,
www.yeniheyet.az
