Replika

“Çax-çax baş ağrıdır”

Atalar məsəli var: “Dəyirman bildiyin edir, çax-çax baş ağrıdır”
Son vaxtlar televiziya kanallarında, mətbuatda  erkən nikahlar barədə  danışanda bu el məsəlini xatırlayıram. Çünki bu mövzudan o qədər danışırlar ki, adam erkən nikahların olmasına inanmır və ətrafına baxıb görürsən ki, erkən nikahlar var və davam edir. Və artıq bu mövzu o qədər adiləşib ki,  faciənin qarşısını almaq heç kəs üçün önəmli və maraqlı deyil. Bu yaxınlarda eşitdim ki, qonşum 15-16 yaşlı qızını nişanlayıb. Bir-iki ay keçməmiş həmin qız başqasını (“sevdiyini”)istədiyini bildirib və nişan üzüyünü qaytarıb. Aradan iki-üç ay keçmiş yetkinlik yaşına çatmayan həmin qız başqasına nişanlanıb. Elə eyni məhəllədən ikinci azyaşlı qız da eyni olayı yaşayıb. Yəni nişanlanıb da, boşanıb da. Hələ deyə bilmədiyim, eşitdiyim o qədər belə hallar var ki...  (Artıq biz deyəsən belə xəbərləri eşitməyə “bir noyi adətkarda olmuşuq”.).

Bu mövzuya tez-tez müraciət etməyimiz təsadüfi deyil.Çünki bu erkən nikahlar ki, var cəmiyyətin bir nömrəli faciəsi, problemidir. Hamı görür ki, bu faciə getdikcə dərinləşsə də hələ ki, sözdən, tədbirlərdən  əməli işə keçilmir.

Aranı xəlvət görənlər istədiyini edir, az qala 10 yaşı tamam olmayanları da ərə vermək istəyirlər. Yaxşı ki, ər evinə çatmamış boşanan qızlar üçün müştəri də tez tapılır. Necə deyərlər, belə qızlar gözə tez görünürlər.

Birinci növbədə dövlət qanunlarımız var ki,erkən nikahları vaxtında yerindəcə boğa bilsinlər. Oğlan tərəfinə də qanunu başa sala bilərlər. Qanun qorxusu şübhəsiz, onları bu yoldan çəkindirər.

İkinci, el tənəsidir. Bu da daha effekt vermir.Çünki el də belələrinin “göz ağartmasından” qorxur və səsini çıxartmır. Ya da qonşunu qərəzgün tutur ki, gözü götürmür. Qızın bəxtinin tez açılması qonşunun ürəyincə deyil.

Erkən nikahların  qarşısının alınmasında məktəb, ziyalılar və deyərdim ki, din xadimləri  də var. Əgər qızla oğlanın dövlət qeydiyyatı yoxdursa, dini qurum onların kəbinini nəyə əsasən kəsir?

Bu, erkən nikahların  qarşısında keçilməz səddir. Dəyirmanın dəni olsa, çax-çaxın baş ağrıt5ması caiz deyil.



Südabə MƏMMƏDOVA,
AJB-nin üzvü



"Yeni həyat" qəzeti,
www.yeniheyet.azшаблоны для dle 11.2