TƏBRİK EDİRİK!
- 2-09-2023, 10:52
- Maraqlı
- 0
- 430
Şəfahət Nemətov -60
Şəfahət Əlövsət oğlu Nemətov 16 avqust 1963-cü ildə Masallı rayonunun Əhmədli kəndində, ziyalı ailəsində anadan olmuşdur.
1970-ci ildə Əhmədli kənd əsas məktəbinin I sinifinə daxil olub. 1978-ci ildə həmin məktəbin VIII sinifini bitirərək, Təklə kənd orta məktəbinin IX sinifinə daxil olub. 1980-ci ildə Təklə orta məktəbinin tam kursunu əla qiymətlərlə bitirərək o vaxtki C.İldırım adına Politexnik institutunun Elektrotexnika fakültəsinin çoxkanallı elektrik rabitəsi fakültəsinə daxil olub. 1985-ci ildə həmin fakültəni müvəffəqiyyətlə bitirib.
Əmək fəaliyyətinə 1985-ci ildə Cəlilabad rayonu istismar Texniki Rabitə Qovşağında əvvəlcə 3 ay elektromexanik, sonra isə mühəndis kimi başlamışdır.
Sonra Lənkəran İTRQ-da mühəndis, 1991-ci ilədək Lənkəran TRQ-nin Masallı sahəsində mühəndis kimi çalışmışdır.
1999-cu ildən 2007-ci ilədək “Azercell Telekom” Baş müəssisəsində mühəndis, 2007-ci ildən “Azercell Telekom” BM-nin podratçısı olan “Deltakom” MMC-də aparıcı mühəndis işləmişdir.
2014-2016-cı illərdə “Azercell” MMC-nin podratçısı olan “Net Frame” MMC-nin mühəndisi vəzifəsində işləmişdir.
Bundan sonrakı fəaliyyəti Masallı rayonunun rabitə sistemi ilə bağlıdır.
2016-ci ildən 2023-cü ilə kimi Masallı Rayon Telekommunikasiya Qovşağının baş mühəndisi vəzifəsində işləmişdir.
İşgüzarlığı, rabitə sahəsində çoxşaxəli təcrübəsi nəzərə alınaraq 2023-cu ildə onu “Aztelekom” MMC -nin Cənub regional filialına Texniki direktor vəzifəsinə təyin edilmişdir.
İşlədiyi bütün sahələrdə peşəsinə intizamı və marağı, səmərəli təklifləri, səriştəsi rəhbərlik tərəfindən dəfələrlə rəğbətləndirilmişdir.
Bir neçə dəfə Respublika və Beynəlxalq sertifikatlara layiq görülmüşdür. Yeni Azərbaycan Partiyasının üzvü kimi geniş, ictimai iş aparır. Dövlətə, dövlətçiliyə sədaqəti ilə həmişə seçilib.
Müqəddəs Məşhəd və Kərbəlanı ziyarət etmişdir.
Masallı rayonunun dayanıqlı, müasir, dünya standartlarına uyğun rabitə sisteminə malik olması üçün yorulmadan, həvəslə çalışan Şəfahət Nemətovun 60 yaşı tamam olur.
Yubiley münasibətilə Şəfahət müəllimi təbrik edir, cansağlığı, uzun ömür, məsuliyyətli işində müvəffəqiyyətlər, həyatda xoşbəxtlik arzulayırıq.
"Yeni həyat" qəzeti,
www.yeniheyet.az
