Allah rəhmət eləsin

4-07-2023, 11:03
Maraqlı

Əlipaşa Əhəd oğlu Qafarov

Masallı rayonu ictimaiyyətinə ağır itki üz vermişdir.

29 iyun 2023-cü il tarixdə dəyərli şəxsiyyət və tanınmış energetik Əlipaşa Əhəd oğlu Qafarov vəfat etmişdir.

Əlipaşa Qafarov 1941-ci il dekabrın 20-də Masallı rayonunun Xıl kəndində əməkçi ailəsində anadan olmuşdur. Atası Əhəd 1941-1945-ci ilin Böyük Vətən müharibəsində həlak olmuşdur.

Orta məktəbi müvəffəqiyyətlə bitirib 1958 ci ildə Azərbaycan Neft və Kimya İnstitutuna daxil olmuş, 1963-cü ildə ali təhsilini başa vurmuş,

Əli Bayramlı (indiki Şirvan şəhəri) İES-də mühəndis kimi işə başlamışdır.

1968-ci ildə Lənkəran elektrik şəbəkəsində mühəndis, 1970-76-cu illərdə Masallı elektrik şəbəkəsində baş mühəndis işləmiş,1976 -1997-ci illərdə Masallı elektrik şəbəkəsinə rəhbərlik etmişdir.

Onun təşəbbüsü ilə rayonda yeni yarımstansiyalar fəaliyyətə başlamışdır.

“SSR-nin fəxri energetiki” adına layiq görülmüş, əməyi medallarladəyərləndirilmişdir.

Rəhbərlik etdiyi müddətdə hər bir ucqar kəndin enerji təchizati ilə təmin olunması üçün çalışmışdır.

Əlipaşa Qafarov işlədiyi müddətdə dövlətçiliyimizə sədaqətlə xidmət etmiş, yaxşı təşkilatçı kimi tanınmış, rayonun ictimai həyatında fəallıq göstərmiş, insanların hörmətini qazanmışdır.

Mehriban ailə başçısı, etibarlı dost, yaxşı yoldaş, gözəl insan idi.

Əlipaşa Qafarovun əziz xatirəsi onu tanıyanların qəlbində əbədi yaşayacaqdır.

Masallı ictimaiyyəti adından kədərləndirdiyimizi bildirir, mərhumun yaxınlarına və sevənlərinə dərin hüznlə başsağlığı veririk.

Allah rəhmət eləsin.

“Yeni həyat” qəzeti,
www.yeniheyet.az