• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Zəngilanda Azərbaycan Milli Şəhərsalma Forumu keşrilmişdir

    Zəngilanda Azərbaycan Milli Şəhərsalma Forumu keşrilmişdir


    Azərbaycan Respublikasının Dövlət Şəhərsalma və BMT-nin Məskunlaşma Proqramının (UN-HABITAT) Arxitektura Komitəsinin  əməkdaşlığı ilə sentyabrın 29-da  keçirilən “Şəhərsalma Həftəsi 2023” tədbirləri çərçivəsində Zəngilanda “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Azərbaycan Milli Şəhərsalma Forumunun açılış mərasimi keçirilib. Mərasimdə çıxış edən ölkəmizin başçısı cənab İlham Əliyev son üç il ərzində həyata keçirilən quruculuq işlərindən, qarabağın bərpasından söz açmış, habelə son dövrlərdə baş verən hadisələrə siyasi qiymət vermişdir.
                   
    Prezident İlham Əliyev  çıxışında  Azərbaycanın qədim bölgəsində, Şərqi Zəngəzurda salamladığını, bu regionunda Azərbaycanın bütün Qarabağ bölgəsi kimi, sıfırdan yenidən inşa edildiyini bildirmişdir.
             
     Ötən il biz birinci Şəhərsalma Forumunu Ağdam şəhərində keçirmişdik. Həmin şəhər də sıfırdan inşa edilir, çünki o, işğal dövründə darmadağın edilmişdir. Zəngilan azad olunmuş ərazilərin ilk bölgəsidir ki, artıq burada keçmiş məcburi köçkünlər evlərinə qayıdıb. Ağalı “ağıllı kəndi”nə, - burada videoda da siz onu gördünüz, - ötən bahar aylarında həyat qayıdıb. Orada sakinlər xoşbəxt yaşayırlar. Mən Ağalı kəndində dəfələrlə olmuşam - sakinlərin qayıdışından əvvəl və sonra. Mən onun şahidi oldum ki, oraya qayıdan insanlar öz köklərinə nə dərəcədə bağlıdırlar. Heç zaman öz vətənini görməyən gənc nəsil qayıdıb. Bu, onu nümayiş etdirir ki, Azərbaycan xalqı öz köklərinə necə dərindən bağlıdır. Bütün keçmiş məcburi köçkünlər səbirsizliklə gözləyirdilər ki, bizim torpaqlar azad edilsin və onlar qayıtmaq imkanına malik olsunlar. Onlar bu imkandan 30 il ərzində Ermənistan tərəfindən məhrum edilmişdi. Ancaq üç il əvvəl biz bu işğala son qoyduq. Bu gün Zəngilan beynəlxalq tədbirə ev sahibliyi edir. Bu, yenidən inşa edilmiş Konqres Mərkəzi dünən açılıb. Təkcə bu bina deyil, Zəngilanın müxtəlif istiqamətlərində fəal işlər gedir. Dediyim kimi, ilk “ağıllı kənd” Zəngilan rayonunda yerləşir. Bu şəhərin Baş planı artıq təsdiq edilib.

    Biz infrastruktura böyük vəsait ayırmışıq, bir neçə yaşayış layihəsi icra edilməkdədir. 2025-ci ildə, ola bilər bir az da tez, Zəngilan şəhərinin ilk sakinləri qayıdacaqlar. Biz Zəngilanı mühüm nəqliyyat qovşağı hesab edirik, çünki onun coğrafi mövqeyi bunu labüd edir. Zəngilan nəqliyyat dəhlizləri üzərində yerləşir və ona görə Zəngilan Beynəlxalq Hava Limanının inşası da bu bölgənin inkişafı baxımından mühüm faktor olmuşdur. O, insanlar üçün asan çıxışı təmin edəcəkdir. Gələcəkdə isə, əminəm ki, Zəngilanda xarici turistlərin sayı çox olacaqdır. Çünki bu bölgə Azərbaycanın ən gözəl guşələrindəndir. Meşələri, çayları, gölləri və misilsiz ekosistemi olan Zəngilan bizim ən böyük sərvətimizdən biridir. Əminəm ki, vaxt keçdikcə bu, turistlər tərəfindən ən çox sevilən bölgə olacaq. Zəngilan Beynəlxalq Hava Limanı azad olunmuş ərazilərdə inşa edilmiş ikinci hava limanıdır. Üçüncüsü isə hazırda Laçında inşa edilir və iki il ərzində o hava limanı da istifadəyə veriləcək. Eyni zamanda, biz sovet dövründə mövcud olan dəmir yolu xəttini bərpa edirik. Çünki işğal dövründə həmin dəmir yolları Ermənistan qüvvələri tərəfindən sökülüb. Bu gün Horadizdən Zəngilana çəkilən dəmir yolunun inşası fəal fazadadır və tezliklə bu nəqliyyat dəhlizinin bu mühüm hissəsi hazır olacaq. Bu, Azərbaycanın əsas ərazisini Naxçıvan Muxtar Respublikası ilə birləşdirəcək layihədir. Oradan isə həmin dəmir yolu İran və Türkiyəyə keçəcək və nəhayət Avropaya çatacaq. Tezliklə biz bu layihəni istifadəyə verəcəyik. Yəni, Zəngilan çox vacib nəqliyyat mərkəzi olacaq. Dəmir yolu xətləri, hava limanı - bu gün bu istiqamətdə altı və dörd zolaqlı avtomagistrallar inşa edilir. Paytaxt Bakıdan bütün bu istiqamətlərdə 2000 kilometrdən çox yeni magistral yollar inşa olunur. Yəni bu, irihəcmli tikinti layihələridir və azad olunmuş hər bir rayon xüsusi Baş plana malikdir. Biz Zəngilanda təkcə pilot yaşayış layihəsi deyil, həmçinin pilot kənd təsərrüfatı layihəsi həyata keçiririk. “Dost Aqropark” adlanan bu layihə Azərbaycan və Türkiyə şirkətlərinin birgə müəssisəsidir və həmin aqropark artıq fəaliyyətdədir. Hesab edirəm ki, Zəngilan gələcəkdə Azərbaycanın qida təhlükəsizliyinə töhfə verəcək. Artıq 6000 baş anqus cinsindən olan qaramal idxal edilib, onların sayı 10 minə çatdırılacaq. Burada, Laçın və Kəlbəcərdə də böyük yaşıllıq ərazilər var və hər zaman, keçmişdə də bu ərazidə maldarlıq inkişaf etmişdir. Ona görə də burada bu potensial var.
               
    Biz Qafqazda sülh və sabitlik istəyirik. Bu, mümkündür və seçim Ermənistanındır. 2020-ci il noyabrın 8-də Şuşa Ordumuz tərəfindən azad olundu və bu, bizim iradəmizin təzahürü idi. Bundan iki gün sonra Ermənistan kapitulyasiya aktına imza atdı və Azərbaycan 30 illik işğala son qoydu. Aprelin 23-də biz Ermənistanla sərhəddə sərhəd-keçid məntəqəsini yaratdıq və ərazi bütövlüyümüzü tam təmin etdik. Çünki bütün sərhədlərimizə nəzarəti bərpa etdik. Əlbəttə, sentyabrın 20-də biz öz suverenliyimizi bərpa etdik. Yəni, artıq “boz” zonalar yoxdur, qeyri-qanuni strukturlar yoxdur və torpaqlarımızda separatçılığa son qoyulubdur. Bu, bizim güclü siyasi iradəmizin göstəricisidir. Bu, Azərbaycan hökumətinin Ermənistanla sülhə hazır olduğunu göstərir və bu, yaxşı siqnaldır, - bəziləri hələ də qisasçılıq, revanşist ideyalarla yaşayırlar, - bu, onlara güclü siqnaldır ki, bu fikirlərdən daşınsınlar. Biz 20 sentyabrda Qarabağdakı Ermənistan ordusuna bəyan etdik: silahlarınızı yerə qoyun və oraları tərk edin. Belə də oldu və bu, baş verdi. Yəni, biz sözümüzə, vədimizə əməl edirik, ona sadiqik. Əminəm ki, Ermənistan hökuməti bu hadisələri düzgün şəkildə təhlil etsə, “Qarabağ Ermənistandır!” bəyanatından sonra - 2019-cu ildə verilən bəyanatdan sonra 20 sentyabradək baş verənləri düzgün təhlil etsə, sülh əlçatandır. Bu, gələcəklə bağlı bizim baxışımızdır. Bu, regionun gələcəyi ilə bağlı baxışımızdır və hesab edirəm, beynəlxalq aktorlar və qonşular görəcəklər ki, bizim münasibətimiz konstruktivdir.
               
    Azərbaycanda biz sülh istəyirik. Zəngilanda bu gün gördükləriniz onu sübut edir ki, biz sülh istəyirik, biz bu əraziləri bərpa etmək istəyirik, soydaşlarımızı vətəninə qaytarmaq istəyirik.



    Məhəmməd Hüseynov,
    Masallı Gənclər Evinin dərnək rəhbəri



    "Yeni həyat" qəzeti,
    www.yeniheyet.az
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 15:38 Masallıda “Heydər Əliyev siyasəti, onun siyasi irsi xalqımızın milli sərvətidir” mövzusunda tədbir
    2. 15:15 Masallı rayonunda “Heydər Əliyev və statistika” mövzusunda tədbir keçirilib
    3. 16:25 Masallıda “Korrupsiyaya qarşı mübarizənin gücləndirilməsi” mövzusunda tədbir
    4. 21:00 “Hamilə qadınların sağlam qidalanması” mövzusunda maarifləndirici görüş
    5. 19:00 Masallıda “Beynəlxalq əlillər günü” münasibətilə əlillər ziyarət olundu
    6. 23:00 “Biz sağlam həyat tərzi seçirik, narkotiklərə yox deyirik” adlı maarifləndirici tədbir
    7. 18:19 Ərkivan qəsəbəsində, Bağlakücədə mərasim evi istifadəyə verilib
    8. 11:10 İlham Əliyev bu tarixdə Sankt-Peterburqa gedəcək
    9. 11:07 Şəhid ailələri və müharibə əlillərinə 250 mənzil verildi
    10. 15:01 Masallıda 2023-cü ilin dekabr ayına olan səyyar görüş - qəbulları barədə
    11. 09:53 Beynəlxalq axtarışda olan şəxs Livanda tutularaq Azərbaycana ekstradisiya edilib
    12. 09:40 Zirvə görüşü ölkələrimiz arasında iqtisadi əməkdaşlığın daha geniş formatda inkişafına yol açacaq
    13. 18:38 Baş Prokurorluq: 378 ədəd ağacın qanunsuz kəsilməsi ilə bağlı cinayət işi başlanılıb
    14. 18:35 Yaxın gələcəkdə təbii fəlakətlərin sayı artacaq
    15. 18:27 Azad olunmuş ərazilərdə karbon neytrallığı zonasının yaradılması əsas hədəflərdən biridir
    16. 18:20 Qarabağ Universiteti yaradılır
    17. 17:00 İştirak etdiyi bütün beynəlxalq platformalarda Azərbaycan ən fəal mövqelərdən çıxış edir
    18. 13:00 Baş nazirdən dərman vasitələri ilə bağlı qərar
    19. 22:30 Bakıda –SPECA-nın iştirakçı ölkələrinin dövlət və hökumət başçılarının Zirvə görüşü keçrilmişdir
    20. 09:25 İraq və Azərbaycan İslam Əməkdaşlıq Təşkilatında hər zaman bir-birinı dəstəkləyir
    21. 09:06 25 Noyabr - Kəlbəcər Şəhəri Günüdür
    22. 23:00 Prezident İlham Əliyevin SPECA-nın açlışında çıxış etmişdir.
    23. 18:30 İraq və Azərbaycan beynəlxalq təsisatlarda hər zaman həmrəylik nümayiş etdirir
    24. 10:00 25 noyabr-Kəlbəcər şəhər günü
    25. 23:00 İraq və Azərbaycan müxtəlif beynəlxalq təsisatlarda hər zaman həmrəylik nümayiş etdirir
    26. 19:30 Zəngin təbiətli Kəlbəcər
    27. 23:00 Kəlbəcər – erməni vəhşiliklərinin daha bir şahidi
    28. 20:01 Masallıda “uşaqların sağlam və rasional qidalanması” mövzusunda tədbir
    29. 19:41 Rusiyada Atropatena dövrünə aid küp qəbir haqqında məqalə çap olunub
    30. 20:57 RİH Başçısı 23.11.2023-cü il tarixdə Çaxırlı ərazisinin sakinləri ilə görüşdü
    31. 20:51 Masallıda azad olunmuş Şəhərlərin Günü münasibəti ilə ümumrayon tədbiri
    32. 20:49 Ninalov kəndində yeni çəkilmiş qaz xəttinin açılışı mərasimi
    33. 20:46 RİH Başçısı 21.11.2023-cü il tarixdə Təzəkənd ərazisinin sakinləri ilə görüşdü
    34. 14:17 Yeni Azərbaycan Partiyasının konfransı
    35. 14:14 Azərbaycanı inkişafına aparan yol
    36. 14:28 20 noyabr-Ağdam şəhəri günüdür
    37. 23:00 Ülu öndərin siyasi kursunu davam etdirən Yeni Azərbaycan Partiyası
    38. 21:30 “Ağdam” – işıqlı şəhər
    39. 23:30 Heydər Əliyev siyasi kursunu davam etdirən Yeni Azərbaycan Partiyası
    40. 15:19 20 noyabr Ağdam şəhəri günüdür
    «    Dekabr 2023    »
    BeÇaÇCaCŞB
     123
    45678910
    11121314151617
    18192021222324
    25262728293031
    DÜNYA XƏBƏRLƏRİ