• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Gələcəyin aydın yolu

    Gələcəyin aydın yolu


    Sentyabrın 29-da BMT-nin Məskunlaşma Proqramının (UN-HABITAT) və Azərbaycan Respublikasının Dövlət Şəhərsalma və Arxitektura Komitəsinin əməkdaşlığı ilə keçirilən “Şəhərsalma Həftəsi 2023” tədbirləri çərçivəsində Zəngilanda “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Azərbaycan Milli Şəhərsalma Forumunun açılış mərasimi keçirilib. Mərasimdə çıxış edən ölkəmizin başçısı cənab İlham Əliyev son üç il ərzində həyata keçirilən quruculuq işlərindən, qarabağın bərpasından söz açmış, habelə son dövrlərdə baş verən hadisələrə siyasi qiymət vermişdir.
                 
    Ölkəmizin başçısı qeyd etmişdir ki, ötən 3 il ərzində görülən işlər bu bölgənin sahiblərinin kim olduğunu bir daha sübut etmişdir. Erməni vandalizminin nəticələrini aradan qaldırmaq üçün Azərbaycan ağır maliyyə yükünün altına girsə də biz bütün çətinlikləri dəf etmək qüdrətindəyik. Çünki bu torpaqlar bizim ata-baba torpaqlarımızdır.

    Zəngilanın mühüm nəqliyyat qovşaqlarından biri olduğunu qeyd edən cənab prezident bildirmişdir ki, bu ərazidə evlərin tikilməsi, yeni kəndlərin və qəsəbələrin bərpası ilə yanaşı kənd təsərrüfatının da inkişafı üçün işlər həyata keçirilir: “Biz Zəngilanda təkcə pilot yaşayış layihəsi deyil, həmçinin pilot kənd təsərrüfatı layihəsi həyata keçiririk. “Dost Aqropark” adlanan bu layihə Azərbaycan və Türkiyə şirkətlərinin birgə müəssisəsidir və həmin aqropark artıq fəaliyyətdədir. Hesab edirəm ki, Zəngilan gələcəkdə Azərbaycanın qida təhlükəsizliyinə töhfə verəcək. Artıq 6000 baş anqus cinsindən olan qaramal idxal edilib, onların sayı 10 minə çatdırılacaq. Burada, Laçın və Kəlbəcərdə də böyük yaşıllıq ərazilər var və hər zaman, keçmişdə də bu ərazidə maldarlıq inkişaf etmişdir. Ona görə də burada bu potensial var.
                 
    Eyni zamanda, yeni iş yerləri yaradılır, çünki buraya - evlərinə, Vətəninə qayıdan insanlar işlə təmin edilməlidir. Bizim Böyük Qayıdış Proqramımızın bir tərkib hissəsi də məşğulluqdur, eyni zamanda, aşağı faizli, imtiyazlı kreditlərin verilməsi və təbii ki, sosial infrastrukturun inşası. Zəngilanda artıq böyük bir məktəb binası inşa edilməkdədir. Zəngilan məscidinin inşası yekunlaşır. O, ermənilər tərəfindən məhv edilən qədim məscidin yanında inşa edilib. Bizim işğal altında olmuş bütün torpaqlarımızdakı 67 məsciddən 65-i məhv edilmişdir, 2-si isə yarı dağıdılmış vəziyyətdə olmuşdur. Bu isə, əlbəttə, Azərbaycana qarşı urbisid və kultursidin təzahürüdür.”
                   
    Məskunlaşmanın həyata keçirilməsi ilə paralel olaraq infrasturkuun yaradılmasının mühüm olduğunu qeyd edən ölkəmizin başçısı bildirmişdir ki, bu sahədə də ciddi işlər görülməkdədir: “Digər bir element infrastrukturdur. Məsələn, dünən mən burada - Zəngilanda 10 meqavat gücündə yeni Su Elektrik Stansiyasının açılışını etdim. Ancaq növbəti altı ay ərzində onun imkanları 40 meqavata çatdırılacaq. Azad olunmuş ərazilərdə bu gün 90 meqavat həcmində hidroelektrik enerji artıq təmin edilir. Yəni, azad olunmuş bütün ərazilərimiz yenidən bizim mərkəzi şəbəkəmizə qoşulur və tam inteqrasiya edilib. Bizim azad olunmuş ərazilərdə hidroelektrik enerjinin həcmi bu ilin sonunadək 170 meqavat, 2024-cü ilin sonuna qədər 270 meqavat olacaq. Bu da təbii ki, bizim yaşıl enerji gündəliyimizə böyük töhfə olacaq. Çünki Şərqi Zəngəzur və Qarabağın 10 min meqavat yaşıl enerji potensialı var. Buraya həm günəş, həm külək, həm də su elektrik stansiyaları aiddir. Bu, Azərbaycanın potensialının cüzi bir hissəsidir. Xəzər dənizinin Azərbaycan sektorunda külək enerjisinin potensialı 157 qiqavat təşkil edir. Tezliklə, Azərbaycan yaşıl enerjini ixrac edən ölkə olacaqdır. Hətta yaşıl hidrogen ixrac ediləcəkdir. İlkin hesablamalara görə, bizim potensialımız çox böyükdür. Günəş enerjisinə gəldikdə, artıq Cəbrayıl rayonunda 240 meqavat həcmində yeni stansiya tezliklə icra olunacaq. Ümid edirəm ki, bu layihəyə gələn il başlanılacaq.”
               
     BMT-nin 4 qərarının icrasını 30 il ərzində yerinə yetirməyən Ermənistanla aparılan danışıqlar da səmərəsiz olmuşdur. Bütün beynəlxalq təşkilatların sülh təşəbbüslərini bloklayan Ermənistan və Qarabağdakı xunta rejiminin rəhbərləri bu əraziləri talamaqla, dağıtmaqla məşğul olmuşlar. Həmin xunta rəhbərləri təkcə Qarabağı yox, eyni zamanda ermənistanı da talamışlar. Ona görə də ermənilər bu cəlladlara nifrət edirlər.
    Azərbaycan xalqı bu məsələni 44 gün ərzində özü həll etmək məcburiyyətində qaldı və biz düşməni məğlub edərək torpaqlarımızı azad etdik. İndi isə qurub yaratmaqla, bərpa işləri ilə məşğul oluruq.
               
    Ölkəmizin başçısı qeyd etmişdir ki, sentyabrın 19-da həyata keçirilən antiterror tədbirir də ərazi bütövlyüyümüzün bərpası üçün həyata keçirildi və bütün terroristlər ərazini tərk etmək zorunda qaldılar.
               
    Cənab prezident demişdir: “Antiterror tədbiri 24 saatdan az müddətdə həyata keçirildi. Bunun nəticəsi nə oldu? Biz davam etdikmi? Xeyr! Bizim belə bir niyyətimiz yox idi. Biz nəticədə harada istəsəydik orada dayanacaqdıq. Bunu demək o qədər də çətin deyil. Ancaq bizim niyyətimiz bundan ibarət deyildi. Biz Ermənistanın ərazi bütövlüyünü tanımışıq, bunu bəyan etmişik və bunu səmimi deyirik. Yəni, bizim başqa niyyətlərimiz olsaydı, əməliyyat sentyabrın 20-də dayanmazdı. Mən bunu hər kəsin bilməsini istəyirəm. Bunu Ermənistan hakimiyyəti də bilsin, onun arxasında duran himayədarları da bilsin, bu gün Azərbaycana qarşı qəbuledilməz planlar cızan tərəflərə buradan mesaj verirəm: Bizim səbrimizlə oynamasınlar. Biz səbirliyik, ancaq qətiyyətliyik. Biz haqlı olduğumuzu sübut edə bilirik və edirik. Ona görə yox ki, bizim gücümüz var, çünki haqq-ədalət bizim tərəfimizdədir.”
             
     Azərbaycanın bundan sonrakı yolu və xətti aydındır: “Biz 20 sentyabrda Qarabağdakı Ermənistan ordusuna bəyan etdik: silahlarınızı yerə qoyun və oraları tərk edin. Belə də oldu və bu, baş verdi. Yəni, biz sözümüzə, vədimizə əməl edirik, ona sadiqik. Əminəm ki, Ermənistan hökuməti bu hadisələri düzgün şəkildə təhlil etsə, “Qarabağ Ermənistandır!” bəyanatından sonra - 2019-cu ildə verilən bəyanatdan sonra 20 sentyabradək baş verənləri düzgün təhlil etsə, sülh əlçatandır. Bu, gələcəklə bağlı bizim baxışımızdır. Bu, regionun gələcəyi ilə bağlı baxışımızdır və hesab edirəm, beynəlxalq aktorlar və qonşular görəcəklər ki, bizim münasibətimiz konstruktivdir.”

    Bəli, Azərbaycan, onun müdrik rəhbəri daim konstruktiv mövqedən çıxış edir. Çünki siyasi iradə var, xalqa söykənən, xalqdan güc alan rəhbər var. Kimsənin torpağında gözümüz yoxdur, lakin ərazimizin bir qarışını da kimsəyə güzəşt etməyəcəyik.



    Rusif Kərimov,
    Viləşçay Su Anbarı İstismarı İdarəsinin rəisi



    "Yeni həyat" qəzeti,
    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 12:29 Masallıda “Azərbaycanın zəfər tarixi” mövzusunda konfrans
    2. 21:52 Rayon rəhbərinin 14 iyun 2024-cü il tarixdə növbəti vətəndaş qəbulu
    3. 21:50 Masallıda 2024-cü ilin Son Zəng tədbirləri
    4. 16:00 Masallıda istismarına icazə verilən obyektlərin çıxarışları sahibkarlara təqdim olunub
    5. 21:54 Masallı RİH Başçısı 12.06.2024-cü il tarixdə Mahmudavar ərazisinin sakinləri ilə görüşdü
    6. 21:51 Masallı Rayon İcra Hakimiyyətinin Başçısı cənab Araz Əhmədov fermer təsərrüfatlarına yerində baxış keçirib
    7. 20:11 Azərbaycan Prezidentinə yazırlar
    8. 19:47 Regionda  strateji əhəmiyyətə malik olan iki dövlət
    9. 11:00 Qafqaz Müsəlmanları İdarəsinin Qazılar Şurası Qurban bayramı ilə bağlı fətva verib
    10. 23:30 Azərbaycan-Misir əlaqələrininntarixinə qısa baxış
    11. 17:17 Bir çox abituriyentin arzusu Qarabağ Universitetində oxumaqdır
    12. 17:13 Müzəffər xalqın qurtuluşunun banisi və onun layiqli davamçısı
    13. 10:11 Prezident İlham Əliyevi TÜRKPA-nın növbəti plenar iclasının iştirakçılarının qəbul etmişdir
    14. 21:30 Türk ailəsinin inkişafı birliyimizdir
    15. 23:30 Türk ailəsi inkişaf edir, birliyimiz möhkəmlənir
    16. 12:18 “Fitrətimizdədir vətənpərvərlik” kitabının təqdimatı – MASALLIDA
    17. 12:04 Bu gün enerji təhlükəsizliyi milli təhlükəsizliyin ayrılmaz hissəsidir
    18. 12:00 Rayon rəhbərinin 07 iyun 2024-cü il tarixdə növbəti vətəndaş qəbulu
    19. 22:30 “Masdar” şirkətinin Azərbaycana sərmayə qoyması çox təqdiredici bir haldır
    20. 23:30 Biz qaz və neft sərvətlərini müxtəlif vasitələrlə cəmiyyətə yönəltmişik
    21. 13:00 Masallı RİH Başçısı 05.06.2024-cü il tarixdə Qəriblər ərazisinin sakinləri ilə görüşdü
    22. 09:05 Azərbaycan Prezidentinə yazırlar
    23. 16:05 Milli Qurtuluş günü Azərbaycan dövlətçiliyinin xilas günüdür- MASALLIDA TƏDBİR
    24. 14:00 Masallıda kartofçuluqla bağlı müşavirə
    25. 13:30 Masallı rayonunun icra başçısı Çaxırlı kəndində kümçülərlə görüşüb
    26. 15:58 YENİ KİTABLAR
    27. 11:11 Masallıda “1 İyun Uşaqların Beynəlxalq Müdafiəsi Günü” körpələr təbrik edildi
    28. 10:59 Masallı rayonu üzrə uşaqların statistikası
    29. 23:30 Rayon rəhbərinin 31 may 2024-cü il tarixdə növbəti vətəndaş qəbulu
    30. 13:30 Masallıda Xalq artisti Qabil Quliyevlə görüş keçirilib
    31. 18:43 Masallı rayon Ağsaqqallar Şurasının illik hesabat yığıncağı
    32. 18:14 Masallıda “Masallı Folklor Örnəkləri” kitabının 3-cü cildinin təqdimat mərasimi
    33. 22:30 Masallıda elektrik təsərrüfatının SİP kabelləşməsi davam etdirilir
    34. 16:07 Masallıda 2024-cü ilin iyun ayına olan səyyar görüş - qəbulları barədə
    35. 12:19 28 may Müstəqillik günü
    36. 23:30 Masallıda GPON texnologiyası əsasında fiber-optik şəbəkə yaradılır
    37. 20:30 Şərqdə və müsəlman aləmində ilk demokratik dövlət
    38. 20:22 Masallıda “Güclü cəmiyyətin zərif simaları” layihəsi çərçivəsində görüş
    39. 20:17 Masallıda “Dünyamızı qoruyaq” mövzusunda dəyirmi masa
    40. 20:12 Masallıda 28 May Müstəqillik Günü münasibətilə konsert proqramı
    «    İyun 2024    »
    BeÇaÇCaCŞB
     12
    3456789
    10111213141516
    17181920212223
    24252627282930
    DÜNYA XƏBƏRLƏRİ