Azərbaycan Prezidentinə yazırlar

Bu gün, 11:30
Maraqlı

Hörmətli cənab Prezident,

Sizin ölkəmizə rəhbərliyiniz dövründə onlarca şəhər və rayonumuzla yanaşı, Masallı rayonu da böyük inkişaf yolu keçmişdir. İnfrastruktur yenilənmiş, istehsal müəssisələri açılmış, yeni iş yerləri yaradılmış, əhalinin rifahı və həyat səviyyəsi yüksəlmişdir. Kəndlərarası yolların təmiri və yeni yolların çəkilməsi bu sırada xüsusi yer tutur. Bu günlərdə Masallı rayonunun bir sıra yaşayış məntəqəsini birləşdirən avtomobil yolunun əsaslı təmirinə maliyyə vəsaiti ayırmağınız bizim kəndin sakinlərini də ürəkdən sevindirdi.

Cənab Prezident, ölkə əhalisinin yaşayış səviyyəsinin yüksəldilməsi istiqamətində gördüyünüz işlərə, atdığınız məqsədyönlü addımlara görə kəndimizin sakinləri adından Sizə minnətdarlığımızı bildiririk.

Sizə inamımız və dəstəyimiz sonsuzdur.

Hörmətlə,

Abusət Zeynalov,

Azərbaycan Respublikası, Masallı rayonu, Böyük Xocavar kəndi.