Azərbaycan Prezidentinə yazırlar

Hörmətli cənab Prezident,

Sizin ölkəmizə rəhbərliyiniz dövründə Azərbaycanın dörd bir yanı kimi, Masallı rayonu da böyük inkişaf yolu keçmişdir. Neçə-neçə istehsal müəssisələri açılmış, yeni iş yerləri yaradılmış, əhalinin rifahı və həyat səviyyəsi yüksəlmişdir. Vaxtaşırı ortaya çıxan bəzi məsələlər də müraciətlərimiz əsasında yoluna qoyulur.

Bu günlərdə Masallı rayonunun bir sıra yaşayış məntəqəsini birləşdirən avtomobil yolunun əsaslı təmirinə maliyyə vəsaiti ayırmağınız Xıl kənd sakinləri üçün hədsiz sevinclə yadda qaldı. Bu yaşayış məntəqələri içərisində bizim kəndin də adı var.

Cənab Prezident, ölkə əhalisinin yaşayış səviyyəsinin yüksəldilməsi istiqamətində göstərdiyiniz xidmətlərə görə kəndimizin sakinləri adından Sizə minnətdarlığımızı bildiririk. Sizin siyasətinizi bəyənir, nəyi nə vaxt və necə edəcəyinizə əminliklə inanırıq.

Hörmətlə,

Abid Əliyev,

Səfər Rzayev

Azərbaycan Respublikası, Masallı rayonu, Xıl kəndi.шаблоны для dle 11.2